Versets bíblics populars de Márìkò 12

Comparteix

Káa Jézù giì ꞌvìsì có ji yí, máa, «Ŋìnó a có mì Mbíṛì mbe kpolo co tí ndâ ꞌbí có mì wó ꞌdáá gî: ‹Yo sè tù yo, ákoo ndâ Ìzìrìyélì. Mbe tí ndoo tí Mbíṛì ká gbaànjé. Yo zè Mbe tí yo tí Mbíṛì mì yo nìkì ta njembí yo gbaànjé, ta lilí yo gbaànjé, ta bà koṛo có mì yo gbaànjé, ta wotí mì yo ꞌdáá gî.› «ꞌBí kpóló-kpolo có mì Mbíṛì a ŋìnó, máa, ‹Wò ꞌví zè ndâ ꞌbí ka lo nìkì ká go ŋìnó náa wò kû zè ta ꞌdóó tí lo nìkì maa nô.› ꞌBí có mì Mbíṛì kákáꞌi mbe me gbolò ndii ndâ có tí nò sósòꞌô nò gî wálá.»

Jézù mâ giì ŋò i tí nò náa nawù ku tí nò bàkà nò, yí giì tèꞌé tí ndâ mbe tala có mì wó. Bìndi  yí giì ꞌdè có ji ndú, máa, «Ye kû ꞌdè có ji yo ta yúcó máa, nawù ku tí nò tí mbe yê nò, gò i me gbolò ndii ndâ ꞌduù ꞌdáá gî. Tacó ndâ mbe kpo-kpò i gò káa nje mèlè ndâ i tí nó náa à kuu mì ndú nô. Káa nawù ku tí nò, tí mbe yê ta ꞌbí i mì wó wálá nò, gò ꞌdáá nò a làmbu ŋìnó náa yí kû lì mítí  nô.»

Káa si Jézù kû ki tí wó á seè bàndò bà gò i mì ndâ ꞌduù ji Mbíṛì á gbí ndùgù ꞌbá-Mbíṛì, yí giì ŋò ndâ ꞌduù me mbè kû gò i. Mâ giì zekeꞌo, ꞌbí nawù ku tí mbe yê gì gí bà gò ndâ njì gùrúsù sósòꞌô, náa à má toko ndú, ndú bà gì tí gírísì gbaànjé.

Bà zè yí nìkì ta njembí ꞌduù gbaànjé, (ta kóṛó-koṛo có mì ꞌduù gbaànjé,) ta wotí mì ꞌduù ꞌdáá gî, ta bà zè ꞌbí ka tí nìkì á go bà zè ꞌdóó tí ꞌduù nìkì , a ndâ kpóló-kpolo có mbe ndii ndâ bà doo ngûwu ndâ nò ta ndâ bà waa mbelè ji Mbíṛì gî.»

Bìndi  Jézù giì ꞌvìsì có ji ndú máa, «Yo dele ndi ndâ i mì ngáángbá gba mì ndâ Ròmánò ji ngáángbá gba mì ndâ Ròmánò, wàa yo ꞌví dele ta ndâ i mì Mbíṛì á ji Mbíṛì.» Bìndi  nje ndú ꞌdáá gî giì ꞌdèè gítí có mì Jézù nò gî.