Versets bíblics populars de ROOM DIMA 2

Comparteix

Dizugu nyin ninsaala kur bugsiri ban tumni lala tuma yɛla hoo sarikatta ka galimni ba, ka nyin gba tumni lala. Ammi, i teesi, ni, i nin nyaŋŋi n‑yi galinsi ni n‑liisi Naawunni sariya karibu di zugu? Bee, i bu baŋŋi, ni, Naawunni zɔri i la namboo ni u ti zi i n‑taasiri ziseaa ka i ŋmaligi ka kyɛ i tumbeeri ni i teesibeeri yɛla? Lala zugu ka i zeemni ŋɔn Naawunni nambɔzoaa, ni u veelim, ni u sugru, an galisi n‑tiri i: bee, m ma'ai ni?

Tɔ; ka dinŋɔna, n zɔa, i yi zaali zaaligu m‑bugsiri niriba yɛla, i ka sɔseaa nyin nin zaŋŋi n‑wulisi i yɛlimaŋni. Dama yɛttɔ'aseaa zaa ka i ya tɔ'asi n‑galim i taraana, lala yɛttɔ'a maa zugu ka i galimni i mammaŋŋa, nyin ŋɔn bugsiri ba ka na tumni lala tuma maa zugu.

Dama Naawunni bu wulisiri ninvuggaŋŋsim.

Dama di pa la ban tuba wumni zaaligu maa yɛligu la n nin nya yɛlimaŋni Naawunni saani, amaa ban tumni zaaligu tuma maa ka Naawunni deaai, ni, yɛlimaŋni dima n nyɛ ba.

Di saha maa ka Naawunni nin ti kyɛ ka sɔkam deaai bunseesi an sum ni ŋɔn daa pun tum seem la.

Ban mun mari halibeoo n‑kur boori ba mansi ka za'asiri yɛlimaŋni ka dɔli yɛlibeeri, ban ka Naawunni sugyeaa nin kpeesi namsigu ni toom ni.

Ay! I tuppuwumni zugu ka i ku sakki n‑ŋmaligi ka kyɛ i yɛlibeeri maa, ka lala ka i la'asiri toom yɛla n‑zaantiri n‑tiri i maŋŋa, zaŋŋi n‑kyaŋŋi Naawunni suuri daari; sahanseaa ka u laa n‑nyɛ la ŋɔn katti sariya ni yɛlimaŋni ka sɔkam zaa nya.