Versets bíblics populars de FILIPAAI DIMA 4

Comparteix

Dinŋɔna yan di kyɛ ka seelli mugsi ya, amaa ya puusim Naawunni ya susigu zaa ni, ka kyɛ ka u baŋŋi yan boori seelikam zaa, ka laa m‑puusi u taari.

Naawunni siri tisiri sugru ni sufudoaa ka di gaari ti nin toaai m‑baŋŋi seem zaa. U nin kyɛ ka lala sugru ni sufudoaa guri ya sufu yɛla, ni ya sufu ni teesa zaa, yan bɛ Kirisita Yisa saani zugu.

Di naari, m mabiisi, ya kyɛ ka ya teesa zaa paali la ni bunseesi an nyɛ bunsuma, ni an sumni pɛ'abu - di nyɛ la: bunseesi an nyɛ yɛlimaŋni, ni bunveela, ni seesi an dɔli soori, m‑paasi niriba ŋɔn wuri bunseesi n‑tibgri a, ni seesi an mari gyirima.

Yisa Kirisita ti ma yaa, ka di kyɛ ka n nyaŋŋi yɛla zaa n beesigu puuni.

Ya kyɛ ka sufupeelli bɛ ya saani sahakam, ti Dugma zugu. Ii, m maali n‑yɛtti ya, ni, ya mari sufupeelli.

M Ba Naawunni mari la buna ni arizikki zaa, ka a bɛ la Kirisita Yisa gyirima ziiya, ka u nin zaŋŋi yan boori seelikam zaa n‑ti ya.

Ya zaŋŋma man wulisi ya seem maa n‑tumni lala, ka dɔli yan nya ka wum zaŋŋi n‑kyaŋŋi n tuma soori la. Ka Naawunni nin bɛ ya saani, ka ŋɔn mun nyɛ ŋɔn tisiri sufumaasim maa.

Ya kyɛ ka sɔkam baŋŋi ya nirilim ŋɔn nyɛ seem. Ti Dugma pɔri ti saani na.

N na mi n‑kɔŋŋi seela, ka laa m‑mi m‑mari halli nti yakki. Ya'aseaa, bee, sahaseaa, m bamsi yɛm suŋŋa, ka n nin nyaŋŋi bundira diibu, bee, nangbantoo beebu; n nin nyaŋŋi m‑mari pam, bee, m‑mari beela; a zaa sakki ma.

Di pa la n yɛtti, ni, n kɔŋŋi seela, dama n pun bamsi man nin niŋi seem n‑kyɛ ka man mari seesi la ti sakki ma.