Versets bíblics populars de KƆLOOSIDIMA 3

Comparteix

Ya sakkma n‑tisi taaba, ka ya sɔ yi ti nya u taraana taalli, see ka di daama kyɛ u taalli maa m‑pɛŋŋi u. Hoo ti Dugma ŋɔn kyɛ ya taalli m‑pɛŋŋi ya seem la, ya gba kyɛ m‑pɛŋŋi ya taaba.

Ya kyɛ ka ya teesa bɛ saazugu buna wa ni, pa duniya wa buna la ni.

Bunseelikam zaa yan niŋna, ya niŋma di ni ya sufu zaa n‑tiri Naawunni, pa la ninsaalidima.

Naawunni siri yiisi ya, ni ya ti leebi u maŋŋa niriba; ka laa n‑wuri ya. Ka lala zugu ya nin zaŋŋi beesipaalli wa kpariveelli n‑yɛa - di nyɛ la: nambɔzoaa ni kuŋŋa, nirilim, mansigsigu, mangbaari ni sugru.

M‑paasi yaasa, ya kyɛ ka Naawunni yɛligu bɛ ya ni, ni ka bunsuma zaasa. Ya zaŋŋi bamsim zaa n‑wulisiri taaba Naawunni wurilim yɛla, ka kpamsiri taaba sufu. Ya kur yuumni Litaafi yuuma n‑wulisira, ni wungyeeŋŋu yuuma, ni Sii Kasi yuuma gba; ya yuumni ya sufu ni m‑puusiri Naawunni sahakam. Ka ya yi ya tumni seelikam, bee, ya tɔ'asi seelikam zaa, ya kyɛ ka ya niŋni a zaa ti Dugma Yisa yuuri zugu. Ya tim ti Ba Naawunni pɛ'abu ŋɔn Yisa zugu sahakam.

Anŋɔ zaa n nyɛ bunsuma, amaa see ka ya zaŋŋi wurilim m‑paasi a zugu, ni a zaa ti tɔŋŋni taaba ka niŋi suŋŋa deede.

Ka dinŋɔna ya pun la'am Kirisita saani n‑yisigi: ka di yi bɛ la lala, see ka ya bɔ bunseesi an bɛ saazugu, bɛni ka ŋɔn Kirisita zi u zizii ni, Naawunni nudirigu ziiya.

Ya kyɛ ka Kirisita sufudoaa su ya sufu zaa fukumsi, dama di zugu ka ba daa booli ya, ni ya ti leebi hoo ningbiŋŋu yinni. Ka laa n‑leebi seeba ban puusiri Naawunni sahakam.

Lala zugu, see ka ya ku ya duniya wa ni kɔrisi yɛla zaa - zina nla, ni tumpoosa boobu an mari da'ari, ni kɔribeeri, ni ligri ni neema boobu, ka di ŋmani la wuna gyeeŋŋu la, dama ya boori ana n‑gaari ya Naawunni boobu: ya kyɛ ka a zaa basi yɔri.

Dama ya kpi ni, ka ya nyɔvuya yi la'amni Kirisita saani n‑sɔ'ai Naawunni beebu zii la ni.

Amaa pampaŋŋɔ see ka ya za'asi anŋɔ dima: suuri, ni teesibeeri, ni putoo tuma, halli yan di kyɛ ka ya nɔya tɔ'asiri yɛttɔ'ayɔya n‑tuuri Naawunni ni ninsaala gba.

Yan di laa m‑ma'ari ziri n‑tiri taaba: ya bu nya? - ba zaŋŋi ya beesikurigu yɛla m‑basi, ni ka tuma zaa, hoo nira ŋɔn yeaai kparibeoo m‑basi seem la; ka laa n‑yɛ kparipaalli, bunveelli. Ka beesipaalli wa mari yɛmpaalli ka di yi Naawunni ŋɔn naam ka maa saani na, ka kur ŋmanni la Ŋɔna.

Yan mun dɔppa, ya wuri ya pɔ'aba ka di yisigri ya suuri n‑niŋni ba.

Ya biisi la muna - ya wumni n‑tiri ya ba ni ya ma dima bunseelikam zaa puuni; dama lala m maari ti Dugma sufu.

Pɔ'aba, ya wumni n‑tiri ya siridima kpaaŋŋu la; dama lala yi sumsi ban bɛ ti Dugma saani maa.