Versets bíblics populars de TUUMUDIMA TUMA 5

Comparteix

Ka Piita ni u taaba daa labsi n‑yɛli, “Ti nin sakki la Naawunni noori, ka pa ninsaala noori.

Beoo kam ba daa bɛ Gyeeŋŋu Yiri maa ni, ni niriba yiya puuni, ka daa bu kyɛ wulisigu; ba daa na kpalim m‑moonni la lahabasuŋŋu, ni, Yisa n nyɛ Masiiya - Masisɔ Naawunni ŋɔn tum na ka laa n‑diisi u naam.

Ka Piita daa yɛli, “Ananayasi! Wula ka Sintaani paali i sufu ni, halli ka i ma'ai ziri n‑ti Sii Kasi maa, ka zaŋŋi la'aseesi nyin daa deaai i tingbanni zugu maa n‑yiisi aseesi n‑sɔ'ai m‑mara? Tingbanni maa daa pa la i dinni? Ka nyin daa koosi ka maa, i daa bu su ligri maa? Bɔ n kyɛ ka i niŋi lala? I bu ma'ai n‑ti la ninsaala, amaa Naawunni.” Ananayasi ŋɔn daa wum nŋɔ maa, u daa lu tiŋŋa n‑kpi. Ka dabeem pam daa gbaai ban daa wum din daa niŋi maa zaa.

Dizugu, yɛttɔ'aseaa kan zɛya wa ni, man ya n‑kpaamni ya, ni, ya kyɛli dɔppa wa m‑basi, ka ba kyaŋŋi. Dama ba yɛligu, ni ba tuma maa, yi nyɛ la ninsaala dinni, a nin lu. Amaa a yi yi la Naawunni saani na, ya ku toaai n‑goaai niriba wa. Di ya n‑kyɛ ka ya zabri ni Naawunni!” Ka u yɛttɔ'a wa daa kyɛ ka ba takki ba teesa.