Versets bíblics populars de I TƐSALƆNIKA DIMA 5

Comparteix

Ya mari sufupeelli sahakam; ya susima Naawunni sahakam; ka pɛ'ari Naawunni seelikam zaa puuni. Dama lala ka Naawunni boori ni ya niŋni ya beebu ni, Yisa Masiiya zugu.

Naawunni n tiri sufudoaa: kyɛ ka u maali ya ka ya bɛ kasi zaa, ka mari ya siisi ni ya sufu ni ya ningbina ka a ku ti mari taalli ti Dugma Yisa Kirisita lappu na saha. Ŋɔn booli ya maa nyɛ la ŋɔn nin niŋi di, dama yɛdda daana n nyɛ u, ka zɛ yummu.

Sɔ di boosiri u kpeaa beeri, amaa ya niŋma nirilim n‑tiri taaba - halli n‑tiri sɔkam zaa.

Dinŋɔ zugu ya kpamsima taaba sufu ka niŋni din nin suŋŋi ya taaba ka ba zoaai Naawunni dɔligu ni: halli ya siri pun niŋni lala pampaŋŋɔ gba.

Ti mabiisi, ya kpaamni gbinnya'a dima. Ka ban sufu miligi la muna - ya maari ba sufu n‑tiri ba: halli ya suŋŋma ban gbarigi la, ka mari sugru ni sɔkam zaa.

Naawunni daa bu maali ti ni u sufuyisigri tubdarigri ti paai ti na, amaa u zaali ti ni ti nya tuliginsim ti Dugma Yisa Masiiya zugu.

Ya nyɛ la neesim ni wuntaŋŋa ni niriba. Ti pa la yuŋŋu bee zibsim ni niriba.