Versets bíblics populars de Tiihy Jo Oohr 1

Comparteix

Abea gihn utiihyu beehda cidh ne rob giih apuohnya yihr nyoge. Tee ucub yihru nea Wahy Juog beehn wudhu, kaano arumo e giih ngahyu ke nyinga ge uteedu yihr yaa beehd Jeruucalem kedea cidhu ne teed gen yihr yaa beed wudh geedh piny Judea maa piny Camaarya kedea yihr yaa wudh geedh ungoom cang.”

Maa beehre ngo yihr gen, “Juog Wura e keede e ne ngahy cahng ngo maa ka uyug giih ni rog gen kii ngo. Padh tiihyu ungahyu gen.

Cahng anaa atihng Jeacuu Paar Juog, e en maa jo oohr ge anaa amahd ka maa acielo. Cahng nu e Jeacuu lubo arobe yihr jo waahdhe. Arobe yihr gen kea, “Yaage, wu keá aay yi geen Jeruucalem. Wura, Wahy Juog, e anaa aruba ke nyinge, uoohre yihru.”

Jeacuu ree anaa abeehne ne nyoadho yihr jo oohr, ge anaa akwanye batien thone tiel me thoohdh mee kedea ubeehde keehd gen ke nihn jiehariow beere ngo ngahy gene ngahyo ne cohg kejea ngo ngaa me kuow. Luube ge anaa aceg Jeacuue piny yihr jo oohr kaa tee Wahy Juog ke ngude. Arobe yihr gen beere ge urubo yihr nyoge kejea Juog daahd nyoge unahg gene yaa Dhaahre. Batiene e ngo atihng Juoge ke Maalo.

Naa athum Jeacuue ke rob yihr gen e ge awiihwe wiihwo, noono utihnge Maalo Paar Juog e ngo uneehno yihr gen

uwahdhe kaa arwaahnye yi lwahd. Abea ge apoohde e nying gen atal maalo ne maahnyo, e wuohdjuog ariow maa angaab waare me tar ne yim, ge anaa ne celang ucing gen urub gene kob gene, “Wu yaa Gaalili! Beeh teed wane yi lum atihng Juoge Jeacuu Maalo ne do Paar Juog. Jeacuu uduu wa kwaad kaano aniidu ngo e caa Maalo nu. Abea awaahn ni nyingu keá ngahn maalo ne maahnyo, bang gihn cahng uduue ngo poohd.”