Versets bíblics populars de Saŋ 5

Comparteix

Aá taaká ɛ ŋa mɛ́ banɔ́ láana ɛsɛ́ : Ɔɔcɔ okime awɔ́ u ŋa lɔ́kɔ́ma úúmi ɔtáŋa, mbá u háya tɔ́na mɔŋɔlɛ́ né Ooci awɔ́ u ŋaá mɛ tɔ́má á yáaŋa na yɔɔ́sɔɔ́sɔ yí olíhe yí ekúlú ekime. Bandɔ́mɛsɛ́ tí ké wuúci kélísi, mbá ú ma hátɔna o owé, yó wóofine o olíhe ú ekúlú ekime.

Ahɛ́ Yésus ŋeé wuúci lɛcá fíanɛna, u ŋé menyí anyía ɔɔcɔ oócí me líhéke hɔ́á. U ŋé wuúci batá ɔsɛ : « Ɔ ŋɔɔ́ waamba ɔwaáŋɔ́nua e ? »

Nu ŋa nɔ́ aákɔ́nɛ́na Ciɔɔ́ŋɛ́ cɛ́ Bandɔ́mɛsɛ́ anyía nu ŋe nú kéti anyía eé ciíci nu ká nɔ́ bámɔ́kɔ́na na yɔɔ́sɔɔ́sɔ yí olíhe yí ekúlú ekime. Mbá tɛ́ka yáámɛ asana ciátɛ́ Ciɔɔ́ŋɛ́ ŋé bíkéti e ? Aáná nu ŋe nú kíne ɔfaaya náámɛ ɔ ɔbámɔ́kɔ́na na taaká ci olíhe.

Mbá Yésus ɔsɛ nááyá : « Hatɔ́na ɛndánáka, hiíte nyiɔ́wɔ nyibúyé, kandáka. » Ɔɔcɔ ŋa yaáŋɔ́núá ɔ ɔwaáŋɔ́nua, yó híite nyíáyɛ́ nyibúyé, u ŋé túme ɔkanda. Buɔ́sɛ́ eébú ŋaá bá buɔ́sɛ́ bú ehélúme bú Besuif.

Yésus ŋe túné é beébe laana ɔsɛ : « Aá taaká ɛ ŋa mɛ́ banɔ́ láana ɛsɛ́ : Yaŋɔ́ Ɔɔ́nɔ́, ɛ tɛ ŋá mɛ́ kɛla bɔkɔ á ciamɛciamɛ. Ɛ ŋa mɛ́ kɛla hú bɔkɔ abɔ́ ɛ ŋa mɛ́ lɛca ciamɛ Síkíne á kɛ́laka. Bɔkɔ abɔ́ ciamɛ Síkíne ŋaá kɛ́la, yaŋɔ́ tɔ́na i ŋe mí buúbu kɛla bɔkɔ búmɔtɛ́.