Versets bíblics populars de ROMAFƆ 5

Comparteix

Fɛɛ Onanto ǝlǝkǝ óte bo wuee kase woala bo. Itsyise lefe nǝ bɔ́kɛ lǝ lebua ǝsuǝǝ, útǝ nkǝ Kristo kpǝ lǝ bo disi.

Nya kusubebe komfo ǝntǝ boedi kofani. Itsyise Onanto áyɛ lǝ Lɛwɔnɔ Kɛnkɛ nǝ útǝ bo ǝsuǝ útǝ nkǝ wǝ lelabi ba didufǝ bo lǝ ǝsuǝ kenke.

Lǝ nnya kamaa, boǝnyǝ disuǝyuǝ lǝ bɔlɛ kanyi bunyǝ itsyise buyi boǝ kanyinyǝnyǝ kamfo eto okle lǝǝtǝ boǝńyǝ kekleke nɛ. Nya bo buńyǝ kekleke, ǝǝtǝ bo ditsyǝbi sɛɛ. Nyamfo luutǝ bǝ bunyǝ kusubebe.

Nya mɔmɔɔ, se Onanto díyifo bo basɛɛ ɛyɛ lǝ bo bofokanɔ ǝsuǝ esoo, Onanto ǝtǝ diyuǝ édufǝ bonko wǝ nti ɛyɛ lǝ Bonamute Yesu Kristo ǝsuǝ. Nya se bófo Kristo bɔnɔ esoo, útǝ nkǝ bofo Onanto eto lefonǝ nǝ ǝsuǝ bonkpe mɔmɔ. Nya bɔnlɛ disuǝyuǝ bunyǝ sitinti, itsyise bɔlɛ kusu bobe boǝ buunyǝ kesiǝkɔ lǝ Kristo ɔflɔ lǝ Onanto eto sekakedikɔ eto diyǝnde ǝsuǝ.

Lefe nǝ diyifole saa dímensi fo bo bɔkɛɛ, Kristo ǝbǝ lǝ lefe sɛɛ ǝsuǝ nya úbǝ úkpǝ lǝ bo babuayifo eto disi.

Nya se ɛyɛ lǝ Kristo eto kɔtɔ ǝsuǝ nya úyifo bo basɛɛ lǝ Onanto eto ǝnǝmii, ukpǝ ǝmfo ebulǝkǝ bo utsyiko lǝ Onanto eto lɛblɔfi kplɛ ǝsuǝ eso.

Nya ɛyɛ lǝ kase utidi ɔni ǝmfo létaka úńyǝ lǝ Onanto eto ditiki ǝsuǝ nya betidi kenke lefiani babuayifoo, nko ke ɛyɛ lǝ kase utidi ɔni ǝmfo dítsyue wǝ ditiki kotoo, Onanto ebutǝ betidi kpǝ fiani basɛɛ nɛ.

Nya inni nyamfo mate ete, bomu buunyǝ disuǝyuǝ tinti ku wǝ itsyise Onanto kosate, ɛyɛ lǝ Bonamute Yesu Kristo wǝ Onanto álɔ bonko wǝ eto sete nti eso.