Versets bíblics populars de ROMAFƆ 12

Comparteix

Biensiǝ nkpǝ fe kase kawunsiǝ kamfo eto betidi lǝǝsiǝ mu. Bomu bitǝ lǝ Onanto lǝ ɔtsyi mi nsusu ɔwuninsǝ lǝ befiani betidi fɔfɔ. Nyamfo luutǝ binyǝ lesa nǝ Onanto laala, ku lesa nǝ lɛlɛkɛ, nya diakɛ wǝ ɔkɔɛ nya lɛflɔ kenke tsya.

Nyaso, mɔ bayimi, se Onanto nlɛ bo kaminsǝ bunyǝ ɛyɛ lǝ wǝ kafo ɛkpɛ tinti esoo, nlɛ mi lekpakpa sitinti miǝ, bifi mi ǝsuǝ bitǝ Onanto fe keditǝtǝ seka nnya diyifo kɛnkɛ, nnya lǝǝyuǝsǝ wǝ kafo tsya lǝ mi nkpǝ bo binsi mfo eso. Nyamfo ni kase ele bǝ bɔyɛ busumu Onanto lǝ lɛkɔɛsi kǝmiǝ nɛ.

Se bɛnlɛ kusu bobe itǝ lesatsyuǝ esoo, binyǝ disuǝyuǝ lǝ keyifo saa ka bɛnlɛ buyifo ǝsuǝ. Nya binyǝ kekleke lǝ kanyi ǝsuǝ. Nya bikato ola lefe saa.

Biǝntǝ lǝ kabua lǝ kedi mi utu, bomu bifi kasɛɛ buyifo bitǝkǝ lebua kato.

Bifi lelabi bitǝ mi bǝtsyuǝ ku utu faa fǝnkǝ bayimi ba léfo bánɔ. Nya bitǝ mi bǝtsyuǝ dibu enso mi ǝsuǝ.

Bela mi betidi ku lelabi kenke. Bikisi lebua lǝ bɛkɔbe lesa sɛɛ bɛlɛ kekleke.

Bɛyɛ kusu saa ko luunǝ diyuǝ eboko mi ku betidi bamba eto nti.

Mɔ bayimi, biantisɛ utidi eto lebua oko kulefe. Bomu bitǝ Onanto kusu lǝ utǝ utidi ǝmǝ ni kayofofo utǝ mi. Itsyise Onanto átɛyi lǝ Awɔnisa Kɛnkɛ eto Kukue nkǝ, “Mɔ ni Onamute wǝ laatɔ kɛnyɛ kǝtǝ, nya mɔ ni futsyǝ lǝǝtǝ kayofofo.”

Bienyifo sɛflɔ, bomu bekpe ɔtsyini lǝ mi keyifo ǝsuǝ. Bisumu Bonamute ǝmǝ ku mi utu kenke.

Nya ɛyɛ lǝ keyifo ka útǝ mɛ lǝ wǝ lefonǝ ǝsuǝ esoo, nlɛ mimblɛ bɔtɛyi minkǝ biambesǝ ǝsuǝ kato enso kase ele bǝ itsyǝ. Bomu bitǝ lǝ mi nsusu lǝ bote bǝ bebokosǝ ǝsuǝ kasɔ nya utsyuǝ saa lǝ ukato wǝ ǝsuǝ ukabe lǝ wǝ bofakanɔ bo Onanto dítǝ wǝ eto ale ǝsuǝ.

Lǝ utsyuǝ eyifo mi kabua biemfi kabua bɛtisǝ wǝ oko. Kplatsya lǝ eyifo lesa nǝ lɛlɛkɛ lǝ bitidi eto ǝnǝmi.

Biyifo bani ku mi bǝtsyuǝ lǝ mǝ nkpǝsiǝsiǝ ǝsuǝ. Biambesǝ ǝsuǝ kato, bomu bɛkɔ ani ku mba dimanle betidi lǝ betidi eto ǝnǝmi. Nya mǝnyǝ fǝ ǝsuǝ fe nwǝ ni obesibe onso.

Bomu lǝ Awɔnisa Kɛnkɛ eto Kukue ǝsuǝ, bátɛyi bo bǝ, “Lǝ kukpɛnsɛ lǝ fǝ oloo, tǝ wǝ lesa lǝ udi. Lǝ utukuɛ lɛ wǝǝ, tǝ wǝ ntu lǝ unǝ.” Itsyise lǝ eyifo nkoo, akpa kutǝmbli akpo wǝ lǝ disinti, nye ǝtǝ kofani alɛ wǝ

Bɛtɔ Onanto lǝ okpo betidi ba laabɛbɛ mi kabua atsyɔ. Tɔ atsyɔkpokpo ǝtǝ mǝ, menkudi mǝ. Binyǝ disuǝyuǝ ku mba nlɛ disuǝyuǝ bunyǝ. Nya biwinko mba nlɛ buwi.

Bɛwunsǝko mi bayimitsyuǝ ba léfo bánɔ ba asa nlɛ bohiã. Nya bifi kafo faa befo bafɔ.

Fe kase bonkpe ǝsuǝ ani nnya nkpe akpa akpa nnya leeyifo keyifo kani eto oklee, nko ke ini bǝ buyifo betidi kpǝ tsya. Buyifo utidi eto ǝsuǝ ani nnya ntsyi akpa akpa kpǝ nyamfo lǝ bo lɔniyifoyifo ku Kristo eso, nya akpa akpa nyamǝ lɛkɔɔ bǝtsyuǝ iyifo utidi ɔni.