Versets bíblics populars de Lwiki 7

Comparteix

Wɔ́ rə̀myɛ́ rə̀ ce à nʼâ wə̀l mó: ń nɔ ń yə̀-bəlwàálɛ́ nánzhəzhɔ̌ sǔbri. Wɔ́ rə̀myɛ́ yil ń wɛ̀rhɛ́ sónó nánfɔ̀lɔ̀ tum. Sə lò mɔ̀bɔ́ ń nɔ sǔbri kɔn námpɔ́lɛ́ yilə, ń sónó bə já yé.” N zɛ̃̀ n wɔ̀ kɛ̃ mɔ́ nɛ: “Ǹ nɔ ǹ yə̀-bəlwàálɛ́ sǔbri.”

Yezu zɛ̃̀ n wɔ̀ kɛ̃ mɔ́ nɛ: “Ǹ gə́ zhí ni mú ce ǹ nɔ vwârh. Zhəl ǹdə́ yə̀-zùlə́.”

n tó kwã nɛ́ ń zhǐ Yezu nèsé yó ń mə́ ń kúrhə́, n zɛ̃̀ n zə ń ywésé n mə n pɔ́pɔ̌ ń yə́-nàná nɛ́ nə̀ yʼà nʼê lwé Yezu nèsé yó mó, ń mə́ ń kwə̀ə̀lè ń nèsé, ń mə́ ń lwé nwə̃̌ y sə̀ yó.

Wɔ́ rə̀myɛ́ yil à yə̀ bùl bʼà mə̂ sʼa bwəlse ǹ nyí ni yé. Ǹmyɛ́ wírí ń púr ǹ nyí, à tùntùnnə̀ mó mà n wárh. Nyǐ à zhe yó-cìnə́ bə̀ cǐ ni. Àmyɛ zɛ̃̀ à cǐ shə̀dɛ́ɛ́sɛ à nʼâ pɛ sɛ nyə́. À gə wò mə̀dù nì bə̀ ń zhəl nyɔ̀nɔ̀, n vò. À gə wò ń dõ ne bə̀ ń bə̀ nyə̀má, n bà. À gə wò à tùntùnnə̀ nè bə̀ ń wɛ̀rhɛ́ èta, n wɛ̀rhɛ́.” Yezu gə́ nyɛ̀ɛ̀ rə̀myɛ́, rə̀ jàr mɔ̀, n zɛ̃̀ n pyìrhí n wɔ̀ lyì-zhâ bɛ́ bə̀ yʼà tó mo mó ne: “À nʼâ wə̀l ába: bá Esərayɛl lyì bí wẽ́, à gwẽ̌ yə̀ lò nɛ ń zhí ni èta dono yé.”

Rə̀myɛ́ yi ní cìcì, Yezu wárh lyì nánzhəzhɔ̌ bə̀ címsi ǹdə́ bə̀ yala yin wẽ́, n wárh byɛ̀bɛ́ nə̀cílsi námməlwâlsɛ yʼà zhe, n púr lyìlyə̂r nánzhəzhɔ̌ yírhə́. N zɛ̃̀ n wɔ̀ bɛ: “Zhəlnə á cĩ́ kɔn dɛ̀bɛ́ gakó á yírhə́ nɔwa, á zhã̌ jʼa nyɛ̀ɛ̀ mɔ́ Zhã nɛ. Lyìlyə̂r yírhə́ nʼê púrə́; gwànsɛ̀ nʼê zɛ̃̀ sə̀ zhə̀lə̀; nɔr cìnə́ nʼê wárh bə̀ jǐrh wárhgáá; sə̀bwààrhɛ̀ zhã̌ nʼê nyɛ̀ɛ̀; cùùrì nʼê bwìrhì; bə̀ nʼê bwə̀l yò-ècɔ̀nɔ̀ nyí rí bə̀ byili nə̀mwà nɛ̀.