Versets bíblics populars de Lwiki 3

Comparteix

Lyì bí gakó gə́ zwẽ nɛ̃̌-shɔ mɔ́ bə zhɛ̀, Yezu myɛ zɛ̃̀ n zwẽ. Ń gə́ zwẽ mo n zhɛ̀, n zɛ̃̀ ń nə́ ń ce Yi. Ń gə́ tú ń nə́ ń ce Yi yi ní, dɛ̃̌ yi rí pul. Eshirhə náàcɛ̀nɛ́ shí dɛ̃̌ ǹdə épwèné ta, e só ń yó wə. Bə zɛ̃̀ bə nyɛ̀ɛ̀ cəl rə̀ shí dɛ̃̌ rə wɔ̀: “Ǹ wɔ́ à ywə́lə́ byǐ. À só mó dɛ̃´dɛ̃´.”

Zhã zɛ̃̀ n wɔ̀ bə̀ gakó ne: “Àmyɛ́ nʼâ zə nɛ̃̌ à pɛ ába nɛ̃̌-shɔ, sə lò mə̀dù bànà, ńmyɛ̌ jàn dɛ́ du àmyɛ́. À yə̀ yírh swí sʼa lwə̂r ń nə̀cìlə̀ né nyínsí myɛ cìcì yé. Ńmyɛ̌ mà n zə Eshirhə náàcɛ̀nɛ́ ǹdə́ myǐn n pə ába nɛ̃̌-shɔ.

Wɛ̀rhɛ́na kɔn dɛ̀bɛ́ rə̀ mʼa byili bʼâ pyìrhí á wun, sʼá bə̀kʼá zɛ̃̀ á nʼá bùl á wẽ́ bə̀, Abəraham gə́ wɔ́ ámyɛ̌ nàmbal mɔ́ dúdú yú yé. À nʼâ wə̀l ába: Yi wɔ̌ rə̀ bʼa ce nə́kuulí tɛ̀bɛ́ jǐrh Abəraham byâ.

Nyǐnə, dòló pyě cèmé né kùr wə̀. Kɔ̀bɔ́ gakó ò tʼâ ce byâ byɛ̀bɛ́ bə̀ càn, bə̀ mʼa kà w bə ji myǐn.”

Bə̀ yʼà kɛ̃ ń yò Yi nyì-zwennə Ezəyi sɛ́bɛ́ rɛ́ wẽ́, bə wɔ̀: “Cəl nʼê bwə̀l gɔ-elũ èpòlò wə̀, rə̀ zhe: ‘Kwɛrhɛna Cinu sɔ́má yá, sʼá wɛ̀rhɛ́ sə-byǐsí sə yə̀ cángá á pɔ̃. Bə̀ mʼa shĩ gwáárɛ́ gakó; bə̀ mʼa só pyààrɛ́ ǹdə́ pyâlsɛ́ gakó tɛ̃´; bə̀ mʼa zwə́r sɔ́m-bəjə́ə́lé gakó rə jǐrh cángá; bə̀ mʼa kwɛrhɛ sɔ́msɛ́ shɛ̀bɛ́ sə̀ bə càn mɔ́; sə lyì bí gakó bʼa nə Yi vwârh mɔ́ ǹdə́ bə̀ yírhə́.’ ”