Versets bíblics populars de Mateus 23

Comparteix

L mais grande de bós todos, que steia al buosso serbício.

Puis quien se dir l galardon a el mesmo será houmildado i quien se houmildar recebirá l galardon.

Ai de bós, scribas i fariseus falsos, que pagais la décima de l’hourtelana, de l finolho i de ls queminos i deixais l que ye mais amportante na Lei: la justícia, la mezericórdia i la lhealdade. Habiedes de fazer estas cousas sien bos squecerdes daqueilhas.

Ai de bós, scribas i fariseus falsos, porque lhimpais l copo i l prato pul lhado de fuora, mas andrento stan chenos de lhadronaige i de malfazer.

Jarusalen, Jarusalen, que matas ls porfetas i acántias ls que te fúrun ambiados! Quanta beç you quije ajuntar ls tous filhos tal i qual cumo la pita ajunta ls piticos ambaixo las alas i bós nun quejistes!

Tamien bós pul lhado de fuora pareceis homes buonos, mas, andrento, stais chenos de falsidade i de maldade.