Versets bíblics populars de Apokaliipsis 1

Comparteix

Tul ech nik tal quBʼaal Tiuxh s-eche: —Aʼ ine, vixeʼtebʼal inqʼa kam. Atz aʼ ine, uvaʼ toq tzoqpisan, eche u tzʼibʼ u Aalfa tuchʼ u tzʼibʼ u Omeega, —xeʼt u quBʼaal Tiuxh, uvaʼ at s-txheel, uvaʼ atichxhtuʼ, uvaʼ toq atinoq s-bʼenamen.{*}

Tul aʼ ine, uvaʼ itzʼlel in, kʼuxh kam in. Tul itzʼlel in s-txheel. Atz itzʼlel in tinjattant inqʼa yaʼbʼ uvaʼ bʼenaʼl kuxh ibʼen toq tuleʼ. Tul echxh laʼ ibʼane. Aʼetz vet atil u kamchil t-inqʼabʼ, eche tatin ilaave vaʼq iqʼesal tiqʼabʼ. Atz aʼ vet atil u tatibʼal inqʼa kamnaʼq t-inqʼabʼ.

At vibʼaʼnil quBʼaal Tiuxh kʼatz uvaʼ nik sikʼlen inqʼa yol uvaʼ nik intzʼibʼa tiʼ kame uvaʼ toq utxhoq. Atz at vibʼaʼnil quBʼaal Tiuxh kʼatz inqʼa nik abʼin inqʼa yol. Atz at vibʼaʼnil quBʼaal Tiuxh kʼatz inqʼa nik niman inqʼa yol. Tan laʼ sebʼx tutxh inqʼa kam.

Taʼnetz kuxh vila, tul joqel inkuʼ xeʼ toq. Tul tira bʼen vet in, eche kamchil inbʼan veteʼ. Yaʼne taqʼ jaʼ viqʼabʼ, visebʼal, s-viibʼa. Tul ech tal s-ve s-eche: —Yeʼ kuxh xoʼv axh. Tan aʼ ine, uvaʼ atichxh in uvaʼs yeʼnaqich inqʼa kam. Tul aʼ ine, uvaʼ toq atinoq in s-bʼenamen, kʼuxh yeʼl vet inqʼa kam.

Tul saqivaq, tan toq uloq xoʼl suʼtzʼ. Tul jankʼalxh inqʼa xaol laʼ ilon u tuleʼ. Atz laʼ ilix Jesuus taʼn inqʼa palsan paʼl u laansa t-vitxhiʼoʼl Jesuus. Tul jankʼalxh inqʼa xaol tzitza vatz u txʼavaʼ, inqʼa yeʼ niman quBʼaal Tiuxh, laʼ motx txumun tu qʼij uvaʼs laʼ tul JesuKriisto. Ape uloqna. Tul echxh laʼ ibʼane.{*}