Versets bíblics populars de 2 Koriintios 6

Comparteix

Yeʼ laʼ utxhi laʼ etzumbʼa etibʼ tuchʼ inqʼa yeʼ nik niman quBʼaal JesuKriisto. Atz jitoq laʼ ebʼan vaʼl eyol s-tuchʼ inpaqte. Tan jabʼiste u xaol uvaʼ, aʼ u jik nik ibʼaneʼ, tan laʼ koq utxh ikʼult tibʼ iyol tuchʼ u xaol uvaʼ jit aʼ u jik nik ibʼaneʼ. Tan yeʼ laʼ utxh ikʼult tibʼ iyol, inqʼa nik niman Jesuus tuchʼ inqʼa, aʼ Satanaas nik inima, eche yeʼ nik ikʼult tibʼ u saq tuchʼ u tokto.

Tan yeʼ laʼ utxh ikʼult tibʼ iyol u xaol uvaʼ nik natxhkʼuulan Tiuxh tuulbʼal u tostiuxh tu Jerusaleen tuchʼ inqʼa nik natxhkʼuulan bʼitichla tiuxh. Echatetz yeʼ laʼ tutxh ibʼant inqʼa niman tetz Jesuus eela iyole tuchʼ inqʼa nik natxhkʼuulan bʼitichla tiuxh. Tan aʼ atil u itzʼlichla quBʼaal Tiuxh tu qaanima. Tan echich tatin u quBʼaal Tiuxhe tuul okaʼp u tostiuxh. Tan ech nik tal quBʼaal Tiuxh s-eche: —Tira laʼ atin in s-kʼatza; atz laʼ atin u viqleʼm s-xoʼl. Tul aʼ, in iTiuxh laʼ ibʼana; tul intenam laʼ ibʼana, —chich quBʼaal Tiuxh.

Echetz kaʼt u yol tal quBʼaal Tiuxh s-eche: —«Eloq el ex xoʼl inqʼa bʼanol tetz yeʼbʼaʼn; atz jetxhvaq el etibʼ s-kʼatza. Yeʼ ebʼan inqʼa yeʼbʼaʼn, uvaʼ yanebʼal kʼuul sinvatz. Echetz toq inkʼult exe sinkʼatza sintenam,» chich quBʼaal Tiuxh. «Tul ech vet toq vatin sekʼatza, eche tatin vaʼq bʼaala. Tul echatetz etatin sinvatz, eche tatin kʼaol imeʼal vaʼl bʼaala,» chich quBʼaal Tiuxh uvaʼ yeʼxhkam invaʼq tzaʼl ibʼanax s-vatz, —chich u yol.

Tan ¡tira jit eela bʼeeq iyol u Kriisto tuchʼ Satanaas! Echatetz kuxh u xaole uvaʼ nik niman quBʼaal JesuKriisto, tan yeʼ laʼ utxh ikʼult tibʼ iyol tuchʼ uvaʼ jit niman tetz Jesuus.