Versets bíblics populars de 2 Koriintios 13

Comparteix

Echetz itzʼavaq jununil ex, oq uvaʼ ant kuxh nimamal quBʼaal JesuKriisto etaʼn. Atz ant kuxh ex etil etibʼ sejunal, maq at u quBʼaal JesuKriisto sekʼatza, atz maq yeʼle. Tul aʼ nik intxʼebʼ uvaʼ: —At quBʼaal JesuKriisto qʼaoq s-qukʼatza, pet yeʼl oʼ tzʼeqxinaʼq oʼ s-vatz, —chaq ex.

Tul aʼ vibʼaʼnil quBʼaal JesuKriisto laʼ atin sexoʼl. Tul bʼenoq sete jankʼal u taanima quBʼaal Tiuxh setiʼ. Tul tira vaʼlxh eyol laʼ ebʼan taʼn viTiuxhil Tiuxh.

Taʼnetz kuxh vet inyol sete, ex inmol s-niman tetz Jesuus. Chiibʼoq ex. Atz chʼioqvaq ex s-bʼaʼn kʼatz quBʼaal Tiuxh. Atz oksavaq etibʼ t-bʼey sevatzaq. Tul vaʼlxh etitzʼabʼal ebʼana. Atz atinoq ex tuchʼ bʼaʼnil sevatzaq. Tul laʼ atin u quBʼaal Tiuxh sekʼatza, u Aqʼol tetz bʼaʼnil tetaanima, atz uvaʼ at taanima setiʼ.