Versets bíblics populars de 1 Tesaloniseenses 4

Comparteix

Yaʼnetze laʼ iqʼol vet jaʼ oʼ, oʼ inqʼa niman tetz Jesuus, oʼ inqʼa ant itzʼlel oʼ. Tul tzum laʼ qiqʼol vet jaʼ tuchʼ inqʼa laʼ itzʼeʼvi tiʼ bʼen qukʼult qibʼ tu suʼtzʼ tiʼ ikʼulux u quBʼaal Jesuus viʼ kaqiqʼ. Tul yeʼl iyaʼebʼal imotxebʼal laʼ qatin vet kʼatz u quBʼaal Jesuus.

Laʼetz tzaj u quBʼaal Jesuus tu amlikaʼ, tul laʼ ibʼekʼ quBʼaal Jesuus te invaʼq iqʼesal aanxel tiʼ ilakax inqʼa kamnaʼq, inqʼa niman tetz Jesuus. Tul laʼ sichʼin u qʼesal aanxel tiʼ ilakax inqʼa niman tetz Jesuus. Tul laʼat toqʼsa vet val u aanxel u trompeeta uvaʼ laʼ tal quBʼaal Tiuxh toqʼsaleʼ. Tul aʼ bʼaxa laʼ motx titzʼeʼv vet inqʼa niman tetz quBʼaal JesuKriisto, inqʼa kamnaʼq veteʼ.

Tan aʼ nik isaʼ quBʼaal Tiuxh uvaʼ, aʼ laʼ ebʼana uvaʼ laʼ ejetxheʼl etibʼ kʼatz u paʼv. Tul jit aʼ u yansa ibʼ laʼ ebʼana. Pet laʼ etxhabʼa emaqt etibʼ s-bʼaʼn jununil ex, tiʼ inqʼa tatxhaʼv vetxhiʼoʼl. Echetz yeʼ laʼ ebʼant u paʼve, atz jikxh laʼ etatin sevatzaq.

Tan tiʼetz quqejtaʼ uvaʼ kam u quBʼaal Jesuus, tul itzʼeʼv inpaqte, echatetz nik quqejte uvaʼ echatxh laʼ titzʼeʼvsat quBʼaal Tiuxhe inqʼa kamnaʼq veteʼ, inqʼa motx toksa tibʼ s-niman tetz quBʼaal Jesuus. Atz laʼat ibʼan quBʼaal Tiuxh uvaʼ tzum laʼ tul tuchʼ quBʼaal Jesuus.

Tul bʼanvaq yaʼl, tiʼ uvaʼ tibʼaʼnil laʼ atink ex sevatzaq tiʼ vetatineʼ. Tul aʼ laʼ etitzʼa kam uvaʼ nik isaʼon tuulbʼal vetatineʼ. Tul aqʼonxh laʼ ebʼan tuchʼ eqʼabʼ, eche uvaʼ alel vet sete qaʼn.

Tan jit aʼ qat isaʼvat tzaan oʼ quBʼaal Tiuxh tiʼ ibʼanax u yeʼbʼaʼn, eche u yansa ibʼ. Pet aʼ qat isaʼvat tzaan oʼ, tiʼ uvaʼ laʼ qujetxhoʼk qibʼ s-kʼatza.