Versets bíblics populars de Màtéwò 7

Comparteix

È bere Ɔ̀ɖáyé ńŋɛ́ yèé wà hã́ ŋɛ́#ɛ́, nákó fú ŋɛ́ ńnɛ̀. È wo iŋɛ́ yèé wà wù ŋɛ́#ɛ́ ńɖɔ̀‐ɛ̀, è nákó ríi. È kpɛ̀kũ̀ fúu, nákó tsíi fú ŋɛ́.

Fee, ɛnɛ yèé wà bèrè#ɛ́ nákó gbà. Ɛnɛ yèé wà wò#ɛ́ nákó rí. Tsí Ɔ̀ɖáyé nákó tsí èkũ̀ fú ɛnɛ yèé wà kpɛ̀kũ̀#ɛ́.

Ńbɛ̀ɛ́, ɔ̀nyà ɔ̀kã̀lɔ́ɔ̀kã̀ kpó yèé wà gbɔ́ afɔ̀ yèé ŋa ǹ wà fɔ̀#ɛ́, tsí wà ń tsitsɛ́ tse#ɛ́, màa nyáa ń sàwé ɔ̀nyà-kã̀ fú ŋɛ́. Ó wà kíbí amùrã̀-kã̀ yèé bàkó malé, tsí ǹɖe lɔ káà maá si ńǹtá-òkúta, àtsùgbée ilé#ɛ́ kó lera gbógígbógí#ɛ́ ni.

Báàyí#ɛ́, ńnɔ́-iŋɛ́ kpó yèé è wà tse#ɛ́, è náa wà tse fú enìkéèdzì-ŋɛ́ ŋa ńǹrɔ́-kíbí è wà wò ní enìkéèdzì-ŋɛ́ ŋa gbo ká tse fú ŋɛ́ gbà#á. Afɔ̀ kpó yèé wà nɛ́kpa-Mɔ̀ɔ́sè† òŋu nɛ́ɛ̀kɔ́-agbáfɔ̀-Ɔ̀ɖáyé fɔ̀† ŋa#á ńnɛ̀ɛ́.

Tsí ɔ̀nà òmírɛ̃̀-kã̀ gbo wà. Ɔ̀nà yèé bɛ́ òŋu#ɛ́, èkũ̀‐ɛ̀ kpamá, tsí ɔ̀nà#á gbo le tó bɛ́ɛ̀. Tsí ɔ̀nyà ìmarũ oɖé tsígíɖí-kã̀ gé ní wà gbà bɛ̀#ɛ́. Tsí ɛnɛ yèé ŋa wà gba nɔ́ɔ̀nà yèé#ɛ́, náàyɛ̀-òtítɔ́#ɛ́ ní à làkóò#ɛ́.

Èkũ̀-kã̀ wà, tsí arũ‐ɛ̀ kpamá. Bí è wà wo e gbà nɔ́ɔ̀nà yèé lɔ náàyɛ̀#ɛ́, è gbà bɛ̀. Ó ɖi, ɔ̀nà-kã̀ wà, tsí èkũ̀‐ɛ̀ tsédzú gbàgàlàà, tsí ɔ̀nà#á gbo kò le. Ó tsédzú rere, tsí ɔ̀nyà kpíkpɔ̀ ní wà gba nɔ́ɔ̀nà#á. Tsí ɔ̀nyà kpó yèé wà gbà bɛ̀#ɛ́, à làkóò nɛ́ɛ̀rá gé ni.

Ɛ̀ŋɛ yèé dzɛ́ ɔ̀nyà-íbàɖí ŋa#á, è náa màá, tsí mú iŋɛ́-ire ŋa fú ɔma-ŋɛ́ ŋa. Máàbàtó Ɔ̀ɖáyé Boba-ŋɛ́ nɔ́ɔ̀rɔ̃! Bí ɔ̀nyà-kã̀ bèrèé ńŋɛ́-ire ŋa, nákó fúu ńnɛ̀.

Máa kpɛdzɔ́ bá enìkéèdzì-ɛ̀ɛ, àtsùgbée Ɔ̀ɖáyé kó máa kpɛdzɔ́ bá ìwɔ gbo. Ó ɖi, ńǹrɔ́-kíbí ò kpɛdzɔ́ bá enìkéèdzì-ɛ̀ɛ gbà#á ní Ɔ̀ɖáyé nákó kpɛdzɔ́ bá ìwɔ gbo#ɛ́. Àwò-ìrɔ́ yèé nàa ń kpũ̀rã̀ã́ fúnɛ#ɛ́, nyɛ̀ŋɛ̀ ké ní nàa ń gbàá#á.

Tsí ɔ̀nyà ɔ̀kã̀lɔ́ɔ̀kã̀ kpó yèé wà gbɔ́ afɔ̀ yèé ŋa ǹ wà fɔ̀#ɛ́, tsí kò wà ń tsitsɛ́ tse#ɛ́, màa nyáa ń sàwé ɔ̀nyà-kã̀ fú ŋɛ́. Ó wà kíbí àɖàlɛ̀-kã̀ yèé bàkó malé, tsí ǹɖe lɔ káà maá si ńǹtá-ìnyarĩ̀#ɛ́ ni.

Kí tse tsí ò wà rí kóko tsígíɖí-kã̀ yèé wà nódzú-enìkéèdzì-ɛ̀ɛ#ɛ́, tsí ò kò nyáa rí òkúùkù-egi lákṹ rìgìɖìì yèé wà nódzú-ɛ̀ɛ#ɛ́? Ɔ̀nà mɛ̀ɛ́ wà fɛ́ɛ, tsí ò wà fɔ̀ fú enìkéèdzì-ɛ̀ɛ ní: “Dzɔ̀ɔ́, tsí n nya kóko tsígíɖí-kã̀ nódzú fɛ́ɛ”, tsí òkúùkù lákṹ rìgìɖìì-kã̀ sì wà nódzú-ɛ̀ɛ#ɛ́ si ná?

È tsɔ́ éwo-ara-ŋɛ́ ŋa rere nára-atsìké-agbáfɔ̀-Ɔ̀ɖáyé fɔ̀ ŋa. À nákó wá náàŋírĩ-ŋɛ́ nɔ́ɔ̀nyà-olínɔ́ tútù ŋa kíbí àgùɖã̀ ŋa bɛ́. Ó ɖi nóòtítɔ́#ɛ́, òkóòkò ŋa ní à dzɛ́ si, tsí wà wo ká mú ŋɛ́ dzɛ#ɛ́. Bí è rí ìlò-ŋa òŋu afɔ̀-arũ-ŋa, è nákó ma ɔ̀nyà-ìrɔ́ yèé à dzɛ́#ɛ́. Ǹ ní fòò, à náa ká èso-egi-ekũkũ-aworo gbo ńǹtá-èkíkã́kòò? Nàmí à náa ká òrì gbo ńǹtá-sùyɛ̀?

Ńbɛ̀ɛ́, bí egi-kã̀ dzɛ́ egi-ire si, náa so èso-ire gbo. Kà so èso yèé kò sã̀ ní ká dzɛ#ɛ́ láyé. Tsí bí egi-kã̀ gbo dzɛ́ egi-íbàɖí#ɛ́, èso yèé à kàkó nyáa dzɛ#ɛ́ gé ní náa wà so#ɛ́. Kàkó nyáa so èso-ire láyé.

Ńbɛ̀ɛ́, bí egi-kã̀ dzɛ́ egi-ire si, náa so èso-ire gbo. Kà so èso yèé kò sã̀ ní ká dzɛ#ɛ́ láyé. Tsí bí egi-kã̀ gbo dzɛ́ egi-íbàɖí#ɛ́, èso yèé à kàkó nyáa dzɛ#ɛ́ gé ní náa wà so#ɛ́. Kàkó nyáa so èso-ire láyé.

Egi kpó, bí kò wà so èso-ire#ɛ́, à náa rɛ́ɛ si ńná gé ni.