Versets bíblics populars de Mateo 8

Comparteix

Jayawe Jesús jei chupe reta: “¿Maera pa pekɨyete peï? Mbaetɨ chawaa perowia cheré,” jei chupe reta. Jayawe Jesús upüa, jare jei iñeeäta rewe ɨwɨtu pe jare ɨaparoa pe wi upɨta waerä. Jare jupiwoi opaete upɨta kïi ngatu.

Erëi sɨndaro reta itenondewa jei chupe: “Oporomboe wae, mase, che parawete jupi’ä ko nde ndeo waerä cherëta pe,” jei chupe. “Ndepuere ndere kua wiño uyeyokui chewe wae ukuera waerä jare ukuerata ko,” jei chupe.

Jare Jesús kua uyandu yawe, ipɨakañɨete jare jei jaɨkue yuraa wae reta pe: “Che tae pewe añetete wae, awäe’ä etei kía kuärái tuicha wɨrowia cheré wae kua ɨwɨ Israel rupi awe,” jei chupe reta.

Jayawe Jesús uyerowa ye sɨndaro reta itenondewa kotɨ jare jei chupe: “Ekua ye nerëta pe ndepɨawiwe rewe, echa’ä jokua nde ndeka chewe wae ayapo ma nderowia cheré ramo,” jei chupe. Jare jokua ora etei ukuera imbaerasɨ wae.

Jare Jesús jemimboe reta opa ipɨakañɨ jare jei reta: “¿Mbae nunga kuimbae ra kua? Ɨ jare ɨwɨtu wi awe uyapo jae jei wae,” jei reta iyupe.