Versets bíblics populars de Mateo 4

Comparteix

Erëi Jesús jei chupe: “Ndarau ayapo. Echa’ä Tumpa iñeerɨru pe uyekuatía oï kuärái: ‘Ndarau kiawe iko tembiu reño. Echa’ä tembiu ndarau umee chupe reta tekowe opa mbae wae. Imeta ko iko reta wi Tumpa jei wae re.’ Jukuärái uyekuatía oï,” jei chupe.

Jayawe Jesús jei chupe: “Esɨrɨ chewi, Satanás. Echa’ä Tumpa iñeerɨru pe uyekuatía oï kuärái: ‘Tumpa jeeño ko pembutuichata, jare chupeño ko piyeyokuita.’ Jukuärái uyekuatía oï,” jei chupe.

Jayawe Jesús jei chupe: “Ndarau ayapo. Echa’ä Tumpa iñeerɨru pe uyekuatía oï wi kuärái: ‘Awɨye pemboporowaiño peYa Tumpa imbaepuere,’ jei,” jei chupe.

Joko wi Espíritu Santo jei Jesús pe oo waerä ɨwɨtini wasu kotɨ tëta mbae rupi. Jayawe Jesús oo jokotɨ. Kua uyeyapo Añawasu ou uyawɨka waerä tëi Jesús pe Tumpa kotɨ. Jesús iko joko pe cuarenta ara rupi ukaru mbae rewe. Jáeramo iyembaɨete iko.

Jayawe Jesús jei chupe reta: “Peyu che ndiwe,” jei. “Pe reta pikuaa pira pipɨsɨ, erëi che pomboeta peporomboe waerä, ïru wae reta wɨrowia waerä cheré,” jei chupe reta. Jayawe jae reta ueya woi ipɨsa reta jare yuraa reta Jesús ndiwe yureko waerä jemimboerä.

Jayawe Jesús oo uwäe Capernaum pe yawe, umbɨpɨ umɨmbeu chupe reta kuärái: “Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Jesús.