Versets bíblics populars de Mateo 10

Comparteix

“Mase, che pomondo aï ikawi mbae wae uyapo wae reta ipɨte rupi,” jei chupe reta. “Jukuärái pe reta pikota peï owecha yawapɨ̈ta reta ipɨte rupi iko wae rami. Jáeramo piyandareko kawi piyé pearakuaa katu rewe jare pekoi rewe,” jei.

“Jayawe ime yawe kía jaeño uyembɨpɨa’ä uepɨ waerä tëi jekowe kua ɨwɨ pewa re, umɨkañɨta iyuwi jekowe opa mbae wae ipuereta tëi onoi wae. Erëi kía umee jekowe chereko pewa wae, yepe tëi umano, erëi onoita tekowe opa mbae wae,” jei Jesús chupe reta.

“Awɨye pekɨye jokua uipota peyuka wae reta wi. Echa’ä pereteño ko jae reta ipuere uyuka pewi. Ndarau ipuere uyuka reta peä,” jei. “Erëi che tae pewe ikawi ko pekɨye waerä Tumpa wi. Echa’ä jaeño ipuere omombo perete jare peä wi Tatawasurenda pe,” jei chupe reta.

Jare ime yawe kía mbaetɨ owoɨ ikurusu oo cherupie wae, jupi’ä ko iko waerä cheremimboerä,” jei chupe reta.

“Jare awɨye pemara chewi. Echa’ä ime yawe kía uyembeu kawi che rewa ïru wae reta jowake, che jae nunga wi amɨmbeu kawita jesewa cheRu ara pe oï wae jowake,” jei chupe reta. “Erëi ime yawe kía chekuaku ïru wae reta jowake, jayawe che aikuakuta wi cheRu ara pe oï wae jowake,” jei Jesús chupe reta.

“Jae nunga wi pemɨnguera imbaerasɨ wae reta jare ipire okui wae reta. Pembɨjekowe ye wi umanokue wae reta. Jare pemoë pemombo aña reta kía re uyembɨiya wae wi,” jei. “Che amee ma pewe kua mbaepuere jepɨ mbae rewe. Jáeramo pe reta awɨye pekowara kía pe pemborɨ wae re,” jei chupe reta.

¿Këraita pa jayawe peRu Tumpa uyandarekota’ä wi peré? Echa’ä jae perauete ye ko opaete wɨra raɨ reta wi,” jei chupe reta. “Jare jae pekuaa kawiete ramo, jae uikuaa wi mbowɨ ra pea penoi päka pe wi. Jáeramo awɨye pekɨye,” jei Jesús chupe reta.

Jare Jesús jei wi jemimboe reta pe: “Aramoi perowia tëi che ayu ko ɨwɨ pewa reta yureko waerä ipɨawiwe rewe jare uñeräro mbae waerä. Erëi jokuaerä'ä ko che ayu. Che ayu ko ɨwɨ pewa reta uyembowaicho waerä chereko pewa,” jei.