Versets bíblics populars de Matiu 6

Comparteix

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Amoso, men sa maa fɔŋ echefoso, ŋkpal manɛ so, kumo alɛ gba kɔ kumo to be asheŋ tirso nna nɛ a maŋ daga menyi ka naa ta kachɛ pɔtɛ ko be kafɔŋ a ti kuko peya so. Men shin nɛ kachɛ kama e baa kɔ kumo gbagba be asheŋ tirso.

Amoso, mee kaŋɛ menyi nna fanɛ men sa maa fɔŋ men be ŋkpa so a wɔtɔ a fɛ kananɛ menyeeŋ tiŋ n nya kusɔ jiso nɛ kusɔnuuso be asheŋ, ŋkpal manɛ so, mannɛ ŋkpa e chɔ ajibi a? Menyi alɛ e sa maŋ naa fɔŋ menyi be eyurana so a wɔtɔ a fɛ kananɛ menyeeŋ tiŋ n nya asɔbuuso be asheŋ, ŋkpal manɛ so, mannɛ eyur e chɔ asɔbuuso a?

Ama fo kama nɛ fee sha kekule Ebɔrɛ, fo luri fo ebu to n ti kabuna nseŋ kule fo Tuto nɛ basa maa wu na. Nɛ fo Tuto nɛ e bee wu kusɔ nɛ basa bee wora wulo to na e chɔrɔ fo.

Men baa kule mo le: ‘An Tuto nɛ fo wɔ ebɔrɛso, shin nɛ fo ketre cheembi na e baa nya bunyaŋ, n shin nɛ fo Kuwurgboŋ na e ba, n shin nɛ basa e baa wora fo aparsheŋ durnya ere to fanɛ kananɛ k du ebɔrɛso na.

Yaŋ sa anyi ajibi nɛ a daga anyi kabre

nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Ŋkpal manɛ so, nɛ menyee ta basa be alubi nɛ baa wora menyi a paŋ bumo, men Tuto nɛ e wɔ ebɔrɛso na gba beeŋ ta menyi be alubi m paŋ menyi.

Men keni mbuibi ka wɔ esoso a firgi na, b maa duu shɛŋ, bumo alɛ maa teŋi shɛŋ ŋko a chala asɔ a wɔtɔ mpuro to, ŋkeshin nɛ men Tuto nɛ e wɔ ebɔrɛso na malɛ bee sa bumo asɔ jiso. Men keni, men maŋ bɔ bumo a?

Men sa maa bela men be ekpanjawu a yili durnya ere to, ŋkpal manɛ so, elala beeŋ tiŋ n ji amo ŋko a beeŋ tiŋ ŋ ku edare ŋ kreŋ so n jija ŋko beyu beeŋ tiŋ n luri n yuri amo. Men baa bela men be ekpanjawu a yili ebɔrɛso, ndoŋ nɛ elala ŋko keku edare ŋ kreŋ so ŋko beyu ka beeŋ luri n yuri be asheŋ maŋ wɔ. Ŋkpal manɛ so, kakpa nɛ fo kpanjawu wɔ, ndoŋ nɛ fo kagbene malɛ gba wɔ.

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

O, menyi be yirda du fimbi pasaa. Nɛ Ebɔrɛ bee keni afitiri nɛ feeŋ wu kabre, ŋklade n fin amo ndoŋ ŋ gben ŋkpal b ka chɔɔ amo so ere so a sa amo amo be kela, nɛ menyi ere ka bɔ amo ere nɛ e maaŋ sa asɔbuuso a?

Nɛ ekama nɛ e kɛ betirpo kakɛ kama, amodoŋwura e sa maŋ shin nɛ mbe enɔ bena e pin kusɔ nɛ mbe enɔjiso bee wora. Loŋ e naaŋ shin nɛ fo kakɛ na e baa la wulo be kusɔ nɛ fo Tuto Ebɔrɛ nɛ e bee wu kusɔ nɛ basa bee wora wulo to na e chɔrɔ fo.”

“Men baa da so nɛ men maa shuŋ men be kabɔrɛshuŋana basa be anishito nɛ b baa wu menyi. Nɛ mannɛ aloŋ, men maaŋ nya kechɔrɔ kikɛ ashi men Tuto nɛ e wɔ ebɔrɛso na kutɔ.

Nɛ men baa kishi, men sa maa gbir kenishi to fanɛ kananɛ kebirkɔnshiwuraana na bee wora na, ŋkpal manɛ so, baa kaa chɛrga bumo be anishiakpaana nna nɛ basa e wu b ka bee kishi. Kashenteŋ nɛ mee kaŋɛ menyi na fanɛ b teŋ nya bumo be kechɔrɔ kikɛ. Ama nɛ men baŋ kishi, men fɔr men be anishito ŋ gbiti men be amu ŋku. Saŋɛ na so basa maaŋ wu fanɛ men kishi she men Tuto nɛ basa maa wu na nawule, nɛ men Tuto Ebɔrɛ nɛ e bee wu kusɔ nɛ basa bee wora wulo to na e chɔrɔ menyi.