Versets bíblics populars de Damina 12

Comparteix

Ne bɛna i kɛ siya caman fa ye, ka baraka don i ra; ne bɛna i tɔgɔ bonya, k’a to mɔgɔw ye baraka sɔrɔ i sababu ra. Ni mɔgɔ minw ka i minako ɲa, ne bɛna baraka don olugu ra. Ni mɔgɔ min ka i minako juguya, ne bɛna o tigi danga. Dugukolo gbaw bɛɛ bɛna baraka sɔrɔ ne Ala fɛ, ele le sababu ra.»

Ayiwa, lon dɔ, Matigi Ala kumana Iburama fɛ, ko: «Iburama, bɔ i ta jamana ra, bɔ i faso ra, bɔ i facɛ ta lu kɔnɔ; ne bɛna jamana min yira i ra, i bɛna taga sigi o jamana le ra.

Iburama wurira ka taga i n’a fɔ Matigi Ala k’a fɔ a ye cogo min na. Lutu fana tagara ni a ye. Iburama bɔra Karan mara ra k’a si to san biwolonfla ni looru.

Matigi Ala k’a yɛrɛ yira Iburama ra, k’a fɔ a ye ko: «Ne bɛna nin jamana di i ta duruja le ma.» Iburama ka sarakabɔnan dɔ lalaga o yɔrɔ ra Matigi Ala ye, Ala min tun k’a yɛrɛ yira a ra.