Versets bíblics populars de Yoˇhaˬ 2

Comparteix

Yeˬsuˇ-aˬ, Gaˬliˬlehˇ miˇ kʼahˬ Gaˬnaˬ meuˬ-ahˇ kʼaˆ jeˬ-ehˇ gʼeh-eu yaw beh hmˬ kʼoeˇ loꞈ-ehˇ mˇ mehˬ nehˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-awˇ, aˬ yawꞈ-euˬ zaˬ lahˇ deuˬ aˬ yawꞈ-ahˇ jah laˇ-euˬ meh.

Yeˬsuˇ ehˇ-eu, “Aˬ ma nawˇ ngaˬ-ahˇ heu loˇ nga, kʼoeˇ loˇ nga lehˇ maˬ ehˇ ni jawˇ sheˇ. Ngaˬ-euˬ aˇ yamˬ maˬ keuˆ laˇ-aˬ siˬ.”

“Ciˬ cuˇ teu deuˬ-ahˇ iˇ cuꞈ kʼawꞈ ahˇ-awˬ” lehˇ, zaˬ kʼaˆ kʼoeˇ deuˬ-ahˇ Yeˬsuˇ ehˇ nehˬ ngeh, bi lehˬ lehˬ ni kʼawꞈ byah jiˇ-euˬ meh. Kʼoeˇ naˇ, “Nymˬ-mˇ poˆ jawˇ-aˬ, ciˬ cuˇ teu deuˬ-ahˇ kʼawꞈ dahˬ taˬ-euˬ iˇ cuꞈ paˇ kuˬ doˆ-awˇ, aˬ jaˇ mˇ gaˇ haw-eu aˬ yuiꞈ gʼaˬ-ahˇ ciˬ ha nehˬ-iˇ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ ngeh, aˬ yawꞈ maꞈ ciˬ ha nehˬ-iˇ-euˬ meh.

Yeˬsuˇ eh-eu, “Uˬ duˬ tahˬ nymˇ nymˇ ma heu pyaˆ dzeh jiˇ-awˬ. Smˬ nah laꞈ kʼoeˇ ngaˇ paˇ tsoˆ gʼaˬ nya ma.”

Yeˬsuˇ aˇ caˆ caˆ zaˬ deuˬ nyehꞈ bawˆ-awˇ tmˬ tehˬ-awˇ, jeˬ zaˬ-ahˇ juiꞈ-eu aˇ caˆ jahˇ-euˬ meh. Yawˇ deuˬ maˬ ehˇ, mawˇ neˇ deuˬ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ kʼaˇ jawˇ-eu jeˬ zaˬ deuˬ-ahˇ aˬ yawꞈ teh doˆ jiˇ-euˬ meh. Pyuˇ dawˬ paˇ nehˬ-eu tsawˇ haˬ deuˬ-euˬ hawˬ jeh ngawˬ coˬ nehˬ-awˇ, pyuˇ bi yoeˇ kʼaˇ jiˇ-euˬ meh. Yaˇ miˇ kʼaˬ kʼoeˬ ahˬ luꞈ-eu tsawˇ haˬ deuˬ-ahˇ kʼawꞈ, “Yaˇ miˇ kʼaˬ kʼoeˬ teu deuˬ yuˇ doˆ gʼeh-awˬ. Ngaˬ Da-euˬ nymˇ-ahˇ lehˆ juꞈ-eu nymˇ taˬ paˇ bi pyeuꞈ” lehˇ ehˇ nehˬ-euˬ meh.