Versets bíblics populars de Yoˇhaˬ 14

Comparteix

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ nui ma shaˬ zahˬ taˬ mˇ. Miˬyehˇ-ahˇ jah-awˇ, ngaˬ-ahˇ kʼawꞈ jah-awˬ.

Aˬda kʼehˇ gʼeh leꞈ-eu lehˇ gʼeh-eu Caw ba-eu gʼaˬ pyeuꞈ-eu Yaw sahˇ Miˬyehˇ-aˬ, naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ-awˇ, ngaˬ neh ehˇ taˬ yaꞈ-euˬ dawˬ deuˬ-ahˇ naw maꞈ noeˬ mawˇ ni caw ba nehˬ laꞈ tehꞈ-a.

Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Ngaˇ Aˬda-ahˇ shaˇ-awˇ, naw maꞈ nehˬ-ehˇ aˬ myah luꞈ bi jawˇ-eu gʼaˇ duˬ Caw ba-eu gʼaˬ bi biꞈ leꞈ ma. Aˬ yawꞈ-aˬ, Miˬyehˇ-euˬ gaˇ kawˆ yaw tsaˬ yaw dawˇ jeˬ pah mehˬ-eu gʼaˬ pyeuꞈ-eu Yaw sahˇ Miˬyehˇ meh. Miˇ tsaˬ zaˬ deuˬ aˬ yawꞈ-ahˇ nui ma laꞈ kʼoeˇ maˬ ha geuꞈ nya-a. Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ maˬ siˬ maˬ mawˇ nya-a. Ehˇ kʼawꞈ, naw maꞈ aˬ yawꞈ-ahˇ siˬ nya meh. Aˬ jeˬ miˇ neh ehˇ naˇ, aˬ yawꞈ naw maꞈ nehˬ-ehˇ jawˇ-awˇ, naw maꞈ-euˬ nui ma laꞈ kʼoeˇ uˇ-eu meh.

Zaˬmaˇ laꞈ kʼoeˇ Aˬda-euˬ yaw shehꞈ kʼahˬ sehˇ ya mawˇ ni, naw maꞈ ngaˬ-euˬ tsawˇ myahˇ laꞈ kʼoeˇ kʼaˇ shaˇ-eu yawˬ jeˬ na luꞈ ngaˇ mˇ byah nehˬ ma. Naw maꞈ ngaˬ-euˬ tsawˇ myahˇ laꞈ kʼoeˇ ngaˬ-ahˇ kʼaˇ shaˇ-eu jeˬ ngaˇ mˇ byah nehˬ ma.

“Naw maꞈ ngaˬ-ahˇ gaˬ naˇ, ngaˬ neh biꞈ-euˬ dawˬ deuˬ-ahˇ naˇ haˬ geuꞈ tehꞈ-a.

Ngaˬ Da-euˬ nymˇ-ahˇ jawˇ kʼaˇ za gahˬ meh. Ngaˇ naw maꞈ gʼaˇ duˬ jawˇ zaˇ laˆ saˆ leˇ ma. Jawˇ kʼaˇ maˬ za law nmˇ-aˬ, maˬ za-a lehˇ ngaˇ dawˇ coe ni ehˇ ma.

Ngaˇ jawˇ zaˇ laˆ saˆ leˇ gʼaˬ ngeh, naw maꞈ-ahˇ paˇ sheuˬ laˬ le-awˇ, ngaˬ nehˬ-ehˇ bi jawˇ laˇ ma.

Toˇmaˆ ehˇ-eu, “Sahˬpaˬ-oˇ, nawˇ aˬ gaˇ le-eu lehˇ gʼeh-eu nga maꞈ maˬ siˬ nya nya. Nawˇ le-eu jawˇ duˬ kʼoeˇ tsahˇ-ahˇ le-eu gaˇ ma nga maꞈ aˬ joˆ-ehˇ siˬ nya nmˇ.”