Versets bíblics populars de Матеј 5

Comparteix

Ниту, пак, светило се пали и клава под поклоп, туку на свеќник и им свети на сите в куќи. Така треба да свети пред луѓето и вашата светлина, за да ги видат вашите добри дела и да Го прослават вашиот Отец небесни.

Вие сте светлината на светот. Не може да се сокрие град, што се наоѓа на врв планина.

Блажени се чистите по срце, оти тие ќе Го видат Бога!

Блажени се гладните и жедните за правда, оти тие ќе се наситат!

А Јас, пак, ви велам: љубете ги непријателите свои, благословувајте ги оние што ве колнат, правете им добро на оние што ве мразат и молете се за оние што ве навредуваат и гонат

»Блажени се бедните по дух, зашто нивно е царството небесно!

Блажени се миротворците, зашто тие ќе се наречат синови Божји!

Блажени се оние што плачат, оти ќе се утешат!

Блажени се гонетите заради правда, бидејќи нивно е царството небесно!

Блажени се милостивите, зашто тие ќе бидат помилувани!

Блажени сте вие, кога ќе ве срамат и прогонат и кога ќе говорат против вас секакви лоши зборови лажно – заради Мене! Радујте се и веселете се зашто голема е вашата награда на небесата! Така ги гонеа и пророците што беа пред вас.

Блажени се кротките, зашто тие ќе ја наследат земјата!

Вие сте солта на земјата. Но, ако солта ја изгуби силата, со што ќе се осоли? Таа веќе за ништо не е, освен да се фрли надвор и изгази од луѓето.

Но бидете совршени, како што е совршен вашиот Отец небесен.«

Но зборот ваш да биде: да, да, – не, не, а сѐ што е повеќе од тоа, од лукавиот е.

Сте слушале дека е речено: ‚Око за око, заб за заб‘. Јас, пак, ви велам: да не се противите на злото. Ако некој те удри по десниот образ, заврти му го и другиот.

Ако те соблазнува десното око, извади го и фрли го од себе; зашто подобро ти е да погине еден дел од твоето тело, отколку целото да биде фрлено во пеколот. И десната рака, ако те соблазнува, исечи ја и фрли ја од себе; оти подобро ти е да погине еден твој дел, отколку целото твое тело да биде фрлено во пеколот.