Versets bíblics populars de Palonga 1

Comparteix

Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Oto a Jisas e aalamire ko teꞌuri, “A Mamaꞌa ni mola e toꞌo aana nanamanga huni oalaꞌinie mo maholo urine. Oto e kaꞌa malisine ike uri omu ke saie mo maholona.

Na ngaeta maholo a Jisas e ngau-ngeu peꞌie mo hurulaꞌaa oto ko teꞌuri hunire, “Omu ke suꞌuri lae-lae mwaanie i Jerusalem, taꞌe omu ke maaꞌoohie kaꞌu mei niinge nge a Mamaꞌa e haiholotaꞌinie huniꞌomu, oto mala nou unue kaꞌu noꞌone huniꞌomu. A Jon e loto maaꞌi eemiu eeni wei, taꞌe i purine loꞌu nga mo hei dinge, a God kei loto maaꞌi eemiu oto aana Liꞌoa Maaꞌi.”

I laona hai aawalai hei dinge i purine a Jisas e mae, e haataꞌi loꞌu aana mo hurulaꞌaa mo maholo hunge. Aana mo tala hunge hai aaopaꞌi e haataꞌi diana aada uri e mauri eelihoꞌi toꞌohuu, na aana mo maholona e haꞌananaure i sulie Aalahanga a God.

Oto mola i purine a Jisas e ere mango urine, kire ko si leesie a Jisas ko tahelaꞌi oto i Lengi aana a God ko toolea oto lae hule aana mei rorodo e mumunie oto mwaanie maada.

Maholo kire ko lio-lio ue i sulie a Jisas ko tahelaꞌi i Lengi ngeena, na e ro mwane kirerue toꞌoni aani toꞌoni rereꞌa ko tolana uure oto peꞌire. Na kirerue ko teꞌuri oto hunire, “!Mo mwane ni Kalili! ?Nga taa ni omu uure, omu ko lio-lio ue hunie taꞌau i salo? A Jisas nge a God ko tola aalihoꞌi aana i Lengi mwaaniꞌomu ngeena, kei ooli loꞌu mei oto mala omu ko leesie ko lae i Lengi ngeena.”