Versets bíblics populars de 2 Korinit 3

Comparteix

Na a Aalaha na Liꞌoa Maaꞌi, ikire taꞌa-taꞌa iini mola. Na taꞌena nga iini Liꞌoa Maaꞌi a Aalaha ko iiꞌo i lalo aana, nge Liꞌoa ko luhesie iinine mwaanie nanamanga aana aaelanga.

Oto ahutaka mo iini kie lado peꞌie a Kraes, a God e taꞌaasie oto mei sala ngeena mwaanie maaka hunie kie ke haataꞌinie manikuluhaꞌana Aalaha mala iiro-iiro ko wana-wana i laona sato. Na oto tarau Liꞌoa Maaꞌi a Aalaha ko esu i lalo aaka huni oolisikie hunie kie ke urihana oto ingeie maraana, na kie ke haataꞌinie manikuluhaꞌana oto liutaa.

Taꞌe maholo nga iini ko eeliꞌu takoie a Aalaha, nge mei ola ngeena ko eiꞌaa oto mwaanie.

Melu kaꞌa toꞌo aana ike nga mei ola tohumeelu hunie melu ke malisine asunge paine ngeena. A God mone e si da melu ke malisine asunge ngeena. Aana ingeie oto e da melu ke adona mei esunge mala mo koni-konihe ingeie huni tarohaꞌinie haiholotaꞌinge haalu e asuie peꞌikie mo iinoni. Na haiholotaꞌinge haalu ngeena e kaꞌa ola ike mola aana lulu i sulilana mo Haꞌatolanga, taꞌe aana lulu i sulilana a Liꞌoa Maaꞌi. I tehulaꞌana mo Haꞌatolanga a Mosis, a God kei leie ahutana mo iinoni hunie maenga, taꞌe i tehulaꞌana Liꞌoa Maaꞌi, mwala e sai oodoie maurihe huu.