Versets bíblics populars de San Mateo 15

Comparteix

Aro thi nichja chujni mee thixin ngain anseen na̱, ko mee thi nchekjan na̱ jianꞌa. Ixin ngain anseen chujni thixin kain thi jianꞌa xraxaon na̱, inchin thi naduenxon choo na̱, thi dinthejuakaꞌo na̱ inaa nchrii jeꞌa chriꞌi na̱ o xii jeꞌa xixiꞌi na̱, thi dinthejuakao choo na̱ ko xrathutheꞌa na̱, thi thee na̱, thi nduaꞌa nichja na̱ ixin inaa chujni, thi nchekaxinkua na̱ chujni thi nduaꞌa.

Thi nchekjan jianꞌa chujni jeꞌa thi jine ko thi diꞌi na̱, thi nchekjan jianꞌa chujni, mee kain thi jianꞌa nichja na̱.

Chujni teꞌi nchesayana na̱ kunixin ruꞌa na̱, aro nchesayanaꞌa na̱ kunixin anseen na̱. Mexinxin xruꞌin xree maski tenchesayana na̱; ko thi jeꞌe na̱ tenchekueꞌen na̱ chujni juxon thi thetuꞌan xii te nthiꞌi ngataꞌa nunthe.

Kuthimejan Jesús ndachro ngain nchrii mee: —¡Jaꞌa anto jian chunthia ngain Ndo Dio! Tsuꞌen inchin jaꞌa rinao. Ko are juexin nichja Jesús xeꞌen thi nchrii kuxrueꞌen xan.

Aro nchrii mee kunchieꞌen nchra ko bethuxin nchra ngain Jesús ko ndachro nchra: —¡Nthatsaꞌan ñao thjengijna na, suixin! Jesús ndachro ngain nchrii mee: —Nchaoꞌa jii ja̱ naa chujni santsjeꞌe xeꞌen niuthja ko ruchjee nio kunia. Aro jeꞌe nchrii mee ndachro nchra: —Jaan ndua, aro kunia kai jine ba thi nchue niuthja dinthjixin ngataꞌa nthanchaon jinetaxin ni nchee ba.