Versets bíblics populars de 2Korin 6

Comparteix

Yak tunum unang God ami lak duulin disa bom-bilip kiili, yakal alik tunum miit kusnum tap kemin, kibi iso tal-une-bam imi kukup nuubip kaa ipyo, dong dokoyip nuumin disa kemin, tituun-kup tabin kukup so, kukup mafak so, alep kiili, aptum kela una-tala-kemin disa. Kuno am daan-laamin so, kutamiip so, alep kii alep maakup aptum kela una-tala-ke kuyaku-diyaku-ke-lomdip alep tambal maakup ilokomip disa

Nuli dok kano-lomdupla awem men uyo kulii-din God ami am awem kawu tiilupla, God aso aket maakup kelamup i? Disa. Kipkal utamsip taa! Kristen numi iipyak tem kaldak-ali tiin kawang miit kayaakim God almi am tituun alik kemin, kaami sang kaali, siin kawu God kaa boko-lomda: Nali iso bomdila imi iipyak tem kabaku tiin-bomdila, nata imi God keyilile, ita nami unang tunum kep-nip ke-lokomip o, kalsa.

Kanolin kemin, Dukum ayo weng maso ma boko-lomda kanum bokosa: Kibi nami lak duulin disa bom-bilip kii, ipso tal-unemin disa; kii yakal kamboyila takas yang ipkal iltipni baan ma kawu bomdiwa kayi! Ibi kukup mafak kaami aket kaa fukunin disa kemip namti, kaata nali yim-buu-lomdile, kawu nata kipni kaalap keyilile, kipta nalmi tunum man kep-na-som ale, nalmi unang man kep-na ke-lokomip o, kala-lomda Tunum Dukum Titil Miit Kayaakim ata kanum bokosa ko.

Kraist ali Setaan aso alep aket maakup kesip disa kemin, ili kanimin o, kalaliwa, tunum God ami lak duulin so, aa tunum God ami lak duulin disa iso, alep imi aket fukunin kaa maakup kaata-kup fukunokomip i? Disa te!