Versets bíblics populars de Aromayi 6

Gama laifi lada ofi nu, amma Shekwoyi cauta wye-wyei nyalo-nyalo nya nu dna n Yesu Kristi eyi Dagayi.

Laifi to shan fye tukwo da zen, ntuge fye to ye filo n ewa suntan, aba n laifi ɓa zefye owo baran. Ai fye n yanci yi lo dna n Shekwoyi alheri n sun-sun gyei.

Aɓei la of ye nayi laifi nya bi dna n baptisma sanu n woi ɓei fi, sanu Dada Shekwoyi n wo iko dnagmayi, ɓei jeze ɓe n Yesu yi n wye-wyeyi n efi, aɓei la owo wye-wyeyi woi-woyi ga yi ya dagma.

Fye to ye ega doho nfye nanyi kwa ze ɓenukwoyi zhin nyan, kwa ze laifi zhinya, ama fye ga fyehin tukwo vinya n Shekwoyi akun nfye aga yi vinya, ntu ge fye la kun n efi, fye ku ze apmanya n Shekwoyi akun, wa zhin apma n fyei n wo ɓeye gmanyi.

Aɓei la ofye a shakpe nukwoyi zundu n gnisun n woi, ofye nayi n kwo ye laifi nyi, aɓei lakwo gwoya a tu kwo eci nukwoyi n nabai ofye laifi nayi to kwo shan dna n laifi sirtan, to kwa ze laifi baran.

Ntu lonu fye ze of yehin aza fi-fiyi n laifi aba, to fya ye laifi ayin fya ku ze awye-wyei da n Shekwoyi aba fyei wo-wo dna n Yesu Kristi eyi Dagayi.

To, yi ɓa gyi abye n ɓenukwoyi zhin yi, n nabai Shekwoyi wa gyi abye n yi alheri wuyi n gafara zhin yi? Awo, yiɓa gyi abye n laifi zhinyi to kwoi zhin dole nu? Ntuge aɓei la laifi iko bmaya n yi tukwo, sanu n yi ɓe ze a Yesu viyi nyi, a zhin yi baptisma ya ze gmanyi n Yesu yi, ntu nwo efi ɓo, aɓei la ofye nanyi laifi zhin nya iko bmaya.

Fye ta kpe lon nge fye ɓa mi fya kni fye dagayin? Fye ɓa mi fya kni laifi (n fiyi) ko, ɓovi (n gyi-gyi-yi) oza nfya ga fyehin tukwo n wo a kun wonu ɓa lafye wa ze of ye dagayi fya zewo afyenu.

Fye gode n Shekwoyi, ntu ge fye ɓei zhin laifi abara nu, nsaiye fyeku ɓovi n fye abugbayi vinya, enya n Shekwoyi wa wufye. Nsayi ye, fyela kun n ifye dagayi kwo-kwoyi akun, laifi, fyei ku ze ofye dagayi woi-woyi abara, ɓefyece.