Versets bíblics populars de Ephèsianaich 5

Comparteix

Mar sin, bhon as e a chlann ghràdhach fhèin a th'annaibh, bu chòir dhuibh a bhith a' leantainn eisimpleir Dhè. Bithibh beò ann an gràdh, dìreach mar a ghràdhaich Crìosd sinne, 's a thug e thairis a bheatha fhèin as ar leth na tabhartas agus na h‑ìobairt chùbhraidh a thug toileachadh do Dhia.

Mar sin, bithibh faiceallach mun dòigh anns an caith sibh ur beatha, chan ann mar dhaoine gun tùr, ach mar dhaoine glice. Cuiribh gach uair gu deagh bhuil, oir tha sibh beò ann an làithean ole.

Na gabhaibh an daorach le bhith ag òl deoch-làidir — rud a chuireas as do bheatha rianail — ach bithibh air ur lìonadh le Spiorad Dhè. Bruidhnibh ri càch-a‑chèile a' cleachdadh fhaclan bho na sailm, bho laoidhean 's bho dhàin spioradail, a' seinn 's a' toirt moladh dhan Tighearna le ur n‑uile chridhe. Bithibh daonnan a' toirt taing airson gach nì do Dhia an t‑Athair ann an ainm ar Tighearna Iosa Crìosd

Air sgàth sin, na bithibh beò mar amadain, ach bithibh a' sireadh tuigse air na tha an Tighearna a' rùnachadh dhuibh.

Fheara, gràdhaichibh ur mnathan mar a ghràdhaich Crìosd an eaglais, 's a thug e a bheatha fhèin thairis air a sgàth.

Bha àm ann a bha sibh nur dorchadas, ach a‑nis, bhon a tha sibh a' creidsinn anns an Tighearna, tha sibh nur solas. Mar sin, caithibh ur beatha mar dhaoine a tha beò anns an t‑solas

agus bithibh umhail dha chèile a chionns gu bheil urram agaibh do Chrìosd.

A mhnathan, bithibh umhail dha na fir agaibh, dìreach mar a tha sibh a' toirt ùmhlachd dhan Tighearna.

Air ur son-sa, feum-aidh a h‑uile fear-pòsda nur measg a bhean a ghràdhachadh mar a tha e ga ghràdhachadh fhèin, agus feumaidh gach bean urram a thoirt dha fear.

“'S ann air sgàth sin a dh'fhàgas fear athair agus a mhàthair, 's a bhios e air aonadh ri a bhean, agus bidh an dithis aca nan aon chorp.”

Na gabhaibh gnothach ris na rudan gun tairbhe a nì daoine a bhuineas dhan dorchadas, ach thoiribh a‑mach iad a dh'ionnsaigh an t‑solais.