Versets bíblics populars de Ed fed suq liq 6

Comparteix

Awg lawn ghod ver, a nig awr lehr chaw yad haq gha tawr daq che ma hez. Uq penr sehr phad teq pa haq lehd ma koz, kand pax cawg sehr phad teq pa haq lehd ma koz, a meha ve awg yand awg khuhn lo mig gig koar lo naz hoq che haq uq penr chehd che teq pa haq lehd ma koz, muhd-aq lo chehd che haeg che awg ha teq pa haq lehd ma koz, gha tawr daq che yaog.

Khar thad liz bon lawg che he lehq lawg khawx che awg ceng gha lia haq, Awg ha phu awg khuhn bon lawg chehd-oq. U kheh te bon lawg tug sa tiq tar lar lehq awg ceng gha lia khuhn awg ghad ma nud lehq, Khreq yad teq pa awg gha lia awg pun bon lawg lehq law chehd-oq.

Ned haeg her ka yug beg yug che teq pa haq nig hehd ghad vid tug, Ghig sa pehar che laq cax awg gha lia haq nig hehd veq deh lehq puhd lar-oq

Kheh te cheaq te lehq, haeg che awg ni awg khuhn nig hehd yeg chehd gha lehq, awg gha lia haq te peg khaz nuhr hox chehd gha tug, Ghig sa pehar che laq cax awg gha lia haq yug cid lar-oq.

Kheh te lehq, haeg che awg sehr phad te ghad bawz peha che a mir toq chehd che khaz ce teq pa haq dawz vehr gha tug, thang tug haq puhd che heh, yonr che ted ceng haq puhd lar-oq. Thaer khuhq che son ux cuhr haq khuhz lar lehq, Awg ha phu ve a dax haq puhd lar-oq. A dax u ve awr lehr, Ghig sa ve tawd khuhd phehq che yaog.

Awg cehg mag te che ted ceng nig hehd ve cuhq pehng haq chuhq lar lehq, ni ma thed che cawd che ted ceng ni ma pi haq thang tug veq deh lehq, cawd daq hawr daq tug te gha che ha lehg che bon khuhd haq te lehq ghu lar hehnd lar che ted ceng khi noz cuhx che heh cuhx lar lehq hox lar-oq.

Awg leh med ve tawd te khuhd awr lehr che kheh yaog. Jawd mawd Yer suq awg khuhn lehd ma koz, yawd ved kand pax ir jad che awg khuhn lehd ma koz, awg ghad cawg mad-ag vid-oq.

“Awg ceng gha lia nawg awg pun daq lehq, mig gig koar lo co yehg ha yehg cawg tug, nawg ved awr pa awr ye haq yawz yawz yan yan teo.” (Awg lid tawd khuhd teq pa awg khuhn lo, tawd che te khuhd awr lehr, kar tiq pid lar che tawd awg kawd te khuhd phehq che yaog.)

Chaw yad nehax teq paog, Jawd mawd Yer suq awg khuhn nig hehd ve awr pa awr ye ve tawd khuhd haq na yur-oq. Awg lawn ghod ver, che kheh te che awr lehr, cawd che yaog.