Versets bíblics populars de Ed fed suq liq 3

Comparteix

Ghig sa ve kand pax awr lehr, a nig awg khuhn lo kanx te chehd cheaq te lehq, a nig lawg che he lehq duhd che awg gha lia haq keh lex lehq yawd mad chawa tea gha che yaog. Khreq yad awg mor awg khuhn lehd ma koz, Yer suq Khreq awg khuhn lehd ma koz, co co taer taer khar thad liz yawd haq chid ir chid muh vid-oq. A meng.

Ngag bon lawg che awr lehr, Ghig sa ve awg mig awg phond ir jad mad jad che heh, yawd ved Awg ha phu haq te lehq nig hehd ve ni ma awg khuhn kand pax haq yawd yehd lehq, awg ghad cawg vid tug lehd ma koz, nig hehd yonr che haq te lehq Khreq nig hehd ve ni ma awg khuhn chehd yeg tug lehd ma koz, ngag lawg che yaog. Haq pehnd che awg khuhn nig hehd awg chi cuhz nax lehq awg cuhz penr yeg cheaq te lehq, Khreq yad teq pa awg gha lia geh teq geha Khreq ve haq pehnd che khawd-ehg taw maq kuhg che, khawd-ehg taw maq yehg che, khawd-ehg taw maq muh che he lehq khawd-ehg taw maq nax che haq nig hehd liz kha nehax sir gha vid tug awg pun liz ngag bon lawg che yaog. Chaw yad sir mad gag che Khreq ve haq pehnd che haq nig hehd sir tug awg pun liz ngag bon lawg chehd che yaog. U kheh te sir ver, Ghig sa ve peh lawq che awg ceng gha lia nig hehd awg khuhn phehaq vid tug yaog.

Jawd mawd Yer suq Khreq awg khuhn lo a nig ni ma tag che khuhn te lehq, yawd haq yonr che haq te lehq, ma kuhz che awg khuhn a nig Ghig sa mehz khuhd suhr kae gag che yaog.