Versets bíblics populars de KADADIAN 35

Comparteix

Nakua tu Puang Matua lako kalena: Akumote tu Puang Matua tu Umpoissan angge maritik. Membati’moko sia memba’ka’ko. Namisa’ bangsa, ontongrika buda bangsa la bu’tu dio mai kalemu sia iatu mai datu la bu’tu dio mai tarukmu. Iate padang tu Kuba’giammo Abraham sia Ishak la Kuba’gian dukako sia iatu bati’ undimmu la Kuba’gi duka padang iate.

Maikomi tamale sau’ Betel, belanna la unggaragana’ misa’ inan pemalaran lako tu Kapenomban untandingina’ talinga tonna lambi’na’ kamaparrisan sia urrondongna’ dio lu lalan kuolai.

Ma’kadami tu Puang Matua lako: Iatu sangammu Yakub, apa tae’mo anna la disa’bu’ Yakub, sangadinna Israelmo tu la sangammu. Nasangaimi Israel.

Nakuami Yakub lako repokna sia mintu’ to nasolan: Tibei tu mintu’ balo’ to salian lembang dio mai kalemi sia seroi tu kalemi sia sondai mintu’ tamangkalemi.

Ma’kadami Puang Matua lako Yakub Nakua: Ke’de’ko male sau’ Betel, ammu torro dio sia garagai dio tu misa’ inan pemalaran lako to Kapenomban umpa’pekitanan Kalena lako kalemu tommu mallai dio mai Esau, kakammu!

Tonna kadakemo nasa’ding – belanna la mate – nasangaimi Ben-oni, apa nasangai ambe’na Benyamin.