Versets bíblics populars de Proverbios 13

Comparteix

Na in jika jin ñayiu ndichi, te nduu ndichi. Su ñayiu ndeka tnaꞌa jin ñayiu vasa, te kee kueꞌi.

Na in jaꞌnu niꞌnu tnoꞌo kaꞌin, te jitoi mai ja kotekui. Su na in kaꞌan kuakuaꞌa, te maa ni mai skunai mai.

Na in tu kani seꞌi, te tu kutoo ñai. Su ñayiu kutoo seꞌi, chi ndee kueli kueli, te ja janu ichi ndaa ñai.

Nuu tu niꞌi ñayiu in ja ndetu kaꞌnui, te kusuchi ini. Su nuu skunkuu ja ndioo ini, te kuu na kuinio in yutnu jiñaꞌa ja tekui.

Tavaꞌa ña tniuu ndaa jin ñayiu jika nuu ichi ndaa, su xnaa ña jakueꞌe jin ñayiu ka saꞌa yika kuechi.

Xuꞌun ja niꞌi ñayiu nuu xndaꞌui inka ñayiu, chi joo ni te ndiꞌi. Su ñayiu tavaꞌa ndi joo ndi joo ni, chi kaya konevaꞌi.

Ñayiu ka saꞌa teyii mai, chi ka ndukui tnoꞌo kiti ini. Su ñayiu ka jantaꞌu tnoꞌo ka xteku ña jin ka kuu ñayiu ndichi.

Tee guaꞌa, chi xndendoo de ja vi saꞌa jajin señani de. Su jakuika ka nevaꞌa tee ka saꞌa yika kuechi, chi ovaꞌa ja vi kendoo jin ñayiu ndaa.

Seꞌe ndichi, chi jantaꞌui tnoꞌo ja xteku ña tatai. Su suchi kuasun ini, chi tu nini nuu ka kuxeen nui.

Ñayiu skexiko tnoꞌo ka xteku ña jin, chi kokuu ndaꞌui vi kokuu kanoi. Su ñayiu jantaꞌu tnoꞌo ka kuxeen nui, chi niꞌi jayiñuꞌu.