Versets bíblics populars de Rôm 1

Comparteix

Sĭt nik kâo amâo hêñ ôh kơ klei mrâo mrang jăk, kyuadah ñu jing klei myang Aê Diê pioh bi mtlaih grăp čô hlei pô đăo, phung Yuđa êlâo hĭn, leh anăn wăt phung Grĕk mơh.

Kyuadah klei mrâo mrang jăk bi êdah klei kpă ênô Aê Diê mâo mơ̆ng klei đăo leh anăn atăt kơ klei đăo; tui si klei čih leh, “Pô kpă srăng hdĭp hŏng klei đăo.”

Dơ̆ng mơ̆ng klei hrih lăn ala knuih Ñu hgăm, čiăng lač klei myang Ñu hlŏng lar leh anăn klei Ñu jing Aê Diê, arăng dưi ƀuh mngač tơdah ksiêm dlăng mnơ̆ng Ñu hrih leh. Snăn diñu amâo dưi mgang diñu pô ôh.

Kyuadah wăt tơdah diñu thâo kral leh Aê Diê, diñu amâo mpŭ kơ Gơ̆ jing Aê Diê ôh, kăn bi mni kơ Gơ̆ rei; ƀiădah diñu wơr luč hlăm klei mĭn hơăi mang, leh anăn ai tiê mluk diñu bŏ hŏng klei mmăt.

Kyuadah diñu bi mlih klei sĭt nik Aê Diê hŏng klei luar, leh anăn diñu kkuh mpŭ leh anăn mă bruă kơ mnơ̆ng hrih leh, amâo djŏ kơ Pô Hrih ôh, Pô anăn năng kơ arăng mpŭ mni hlŏng lar! Amen.

Kyuadah klei Aê Diê ngêñ bi êdah leh mơ̆ng adiê bi kdơ̆ng hŏng jih klei amâo mpŭ kơ Aê Diê leh anăn kơ klei wê mnuih ngă, hŏng klei wê anăn diñu kơ̆ng ghă klei sĭt nik.

Kyua klei anăn Aê Diê jao leh diñu kơ klei tluh ƀô bi hêñ. Phung mniê diñu bi mlih klei bhiăn yang đar, ƀiădah ngă klei mkăn bi kdơ̆ng hŏng klei bhiăn yang đar. Msĕ mơh phung êkei lui klei bhiăn yang đar hŏng mniê, leh anăn bi tluh ƀô hdơ̆ng diñu, êkei hŏng êkei ngă klei soh bi hêñ, leh anăn diñu tŭ klei bi kmhal năng kơ diñu pô kyua klei soh diñu. Kyuadah diñu amâo čiăng djă pioh ôh klei thâo kral Aê Diê, snăn Aê Diê jao diñu kơ klei mĭn jhat tơl diñu ngă lu klei amâo năng ôh.

Diñu lač diñu pô jing thâo mĭn, ƀiădah diñu jing leh mluk, leh anăn bi mlih klei guh kơang Aê Diê amâo thâo brŭ rai ôh hŏng rup mnuih thâo brŭ rai, amâodah rup čĭm, hlô mnơ̆ng, amâodah mnơ̆ng êbat ban.