Versets bíblics populars de Klei Kbiă 9

Comparteix

Ƀiădah kyua klei anei Kâo lui ih dôk hdĭp, čiăng brei ih ƀuh klei myang Kâo, snăn kơh arăng hưn anăn Kâo tar ƀar lăn ala.

Yêhôwa lač kơ Y-Môis, “Nao bĕ kơ Pharaôn leh anăn lač kơ ñu, ‘Snei Yêhôwa, Aê Diê kơ phung Hêbrơ, lač, “Lui phung ƀuôn sang Kâo đuĕ nao, čiăng kơ diñu dưi kkuh mpŭ kơ Kâo.

Tơdah ară anei Kâo yơr leh kngan Kâo leh anăn čăm leh ih leh anăn phung ƀuôn sang ih hŏng klei ruă tưp, ih rai luč leh mơ̆ng lăn ala.

nĕ anei kngan Yêhôwa srăng čăm kơ mnơ̆ng ih rông dôk hlăm hma, aseh, aseh dliê, aseh samô, êmô, leh anăn biăp srăng mâo klei ruă tưp djiê lu. Ƀiădah Yêhôwa srăng ngă klei mdê kơ biăp êmô phung Israel leh anăn kơ biăp êmô phung Êjip, snăn biăp êmô phung ƀuôn sang Israel amâo srăng ruă djiê ôh.”’ ”

Nĕ anei, mgi ti mông anei Kâo srăng brei adiê hjan boh tâo pliêr ktrŏ snăk, amâo tuôm mâo msĕ snăn hlăm čar Êjip dơ̆ng mơ̆ng arăng mdơ̆ng ñu truh ti hruê anei. Kyuanăn brei ih ruăt tiŏ arăng bi kƀĭn hlăm anôk hơĭt biăp êmô ih leh anăn jih jang mnơ̆ng ih mâo hlăm hma; kyuadah boh tâo pliêr srăng lĕ ti dlông jih jang mnuih leh anăn mnơ̆ng rông dôk hlăm hma arăng amâo atăt wĭt, leh anăn diñu srăng djiê.” ’ ”

Hbâo anăn srăng jing ƀruih lăn guôm tar ƀar čar Êjip, leh anăn hbâo anăn srăng bi mâo ruih tiêng bŏk kplač djŏ kơ mnuih leh anăn kơ hlô mnơ̆ng hlăm tar ƀar čar Êjip.” Snăn diñu mă hbâo kpur leh anăn dôk ti anăp Pharaôn. Y-Môis ƀui hbâo phă adiê, leh anăn mâo ruih tiêng bŏk kplač djŏ kơ mnuih leh anăn hlô mnơ̆ng.