Versets bíblics populars de NÁN RÓMA VɄ 8

Comparteix

Ba gaa ví Tayɨɨ kɔ́ ba'ad moo hȩn 'waapád a du̵u̵d nán ku̵u̵ hí̧í̧wo̧ máa voo nɔ, nán ı̵́ ka yee bee vu̵ kɔ́ ı̵́ ka hí̧í̧ wɔgɔ má nɔ.

Mí 'yɛ́ zó̧ó̧, hȩn a hɨ'ɨn ba ví kan zó̧ó̧ nán woo yȩ máa pɛ́lı̵́. Kóó nɔm, kóó mbaalı̵́ zá̧a̧d, kóó maleeka vu̵, kóó nán gbo̧o̧ woo tɛ́lá, kóó hȩn hȩn mbalı̵́ ı̵́ be"ı̵́ vu̵, kóó hȩn u̵u̵ dɨ mbaalı̵́ ɓəə yɛ, kan ı̵́ u̵u̵ dɨ yaalı̵́ yɔ́gɔ́ yȩ vu̵ á̧ḿ, kóó hȩn ı̵́ be"ı̵́ vu̵, kan hȩn hágá yɛlı̵́ vu̵, kóó hȩn Tayɨɨ ka yɨb vu̵ 'waapád. Hȩn tóó dágá aga wú̵ń hɨ'ɨn ba ví kan zó̧ó̧ nán Tayɨɨ woo ka tú'un ba ví Yesu Krístu ı̵́ 'yɛ́lı̵́ baa ví woolı̵́ yȩ né.

Ba 'yɛ́n ví néélȩ́ ɓu̵u̵lı̵́ na'a né, ma yigid Tayɨɨ woo wu̵ dɨ ba ví maalȩ́ á̧ḿ, moo ba ɓá' ví Tayɨɨ gaan du̵u̵ na'a né. A̧máa yigid Tayɨɨ woo aga baa ɓá' Tayɨɨ kan ndɛlı̵́ ya̧gá̧ pɛ. Ndɛlı̵́ woo máa, ba vud o̧n né á̧ḿ.

Báń duu o̧ ví sı̵́ tóó ȩná? Tayɨɨ máa, baa ví nu. Nóo wú̵ń kɔ́ moo kan ba vílá?

'Ya̧'a̧ yɛ máa, Tayɨɨ wú̵ń sə̧'ə̧n nán ı̵́ ku̵u̵ sú̵gú̵n kan Yesu Krístu woolı̵́ máa vu̵ moo né

Hȩn dáń ı̵́ fó̧ó̧ ka hí̧í̧ máa, laan ba woo nɔmmé. A̧máa hȩn hí̧í̧lí̧ ı̵́ yigid Tayɨɨ woo máa, laan ba woo ya vágád Tayɨɨ woolı̵́, kan ya fó̧ó̧ ká̧'a̧dı̵́ á̧ḿ.

A̧máa kóó ı̵́ yo̧go̧ si̧', ba mba ví hȩn dɔg wu̵lı̵́ 'waapád kan néélȩ́ ı̵́ ka hí̧í̧ ba ví yȩ woo nɔ.

Mí taa hȩn ndɔ́gɔné kaa dɨ ví nuní 'ya̧'a̧ yɛ yɛ, ba gú̵gú̵nɔ kan na"ȩ́ Tayɨɨ a dɨn ba ví tú"í yȩ né.

Nóo wú̵ń hɨ'ɨn ba ví kan zó̧ó̧ nán Krístu woo yȩlá? Hȩn ndɔ́gɔné, kan zó̧ó̧ to̧"ȩ́, kan moo dunní vu̵, go̧o̧m vu̵, kan gíḿ, kan hȩn dú̵ú̵ zálı̵́, kan nɔm, vú̵ńnɔ hɨ'ɨn ba vía?

Tayɨɨ ka ho̧ hȩn gaa la woo zó̧ó̧lȩ́ yȩ, gaa woo hȩn yigid ka hí̧í̧ bi ɓá"u̵ máa ó̧, moo yigid ɓá"u̵ yúú nán ı̵́ woo voolı̵́ kɔ́ ı̵́ Tayɨɨ ka hí̧í̧ wɔgɔ.

Nán 'waapád ku̵u̵ duu yigid Tayɨɨ woo máa, vu̵ waa Tayɨɨ woo vu̵ yu̵

Nán ı̵́ ku̵u̵ mbaa voo mbaalı̵́ ı̵́ nánán voo máa, vu̵ dii voo də́ń hȩn fó̧ó̧ nánán ka hí̧í̧ máa wu̵ kɔ́lı̵́. A̧máa nán ı̵́ ku̵u̵ mbaa voo mbaalı̵́ ı̵́ yigid Tayɨɨ woo máa, vu̵ dii voo hȩn ı̵́ yigid Tayɨɨ woo ka hí̧í̧ máa wu̵ kɔ́lı̵́.

Há̧ga̧n ba ví Waa dáń woo né, a̧máa dɔddu̵ nɔmmé moo baa ví 'waapád. Tée wú̵ń su̵g hȩn pú̵ ba ví 'waapád kan Waa woo á̧ḿ; ı̵́ yo̧go̧ náa?

Yigid Tayɨɨ woo aga wu̵ o̧d yigid baa ví ba ban ví waa Tayɨɨ woo vu̵ yu̵. Ba ví waa woo vu̵ yu̵, báń nuŋ ví hȩn yȩ"ȩ́ woo ka tad zig woo vu̵ ya̧g wu̵lı̵́ yȩ á̧ḿ. Báń nuŋŋɔ ví kan Krístu á̧ḿ. Tow aa sú̵g nuŋ ví hȩn ndɔ́gɔné kan Krístu tée, báń duu nuŋ ví na"ȩ́ kannɔ á̧ḿ ya gbaŋ waalı̵́ woolı̵́.

Nán ı̵́ ku̵u̵ hí̧í̧ voo də́ń hȩn hí̧í̧lí̧ fó̧ó̧ nánánne máa, vu̵ nán maag Tayɨɨ woo vu̵ yu̵. Vu̵ duun dooká Tayɨɨ woo vu̵ né, vu̵ kan néélȩ́ kɔ́lı̵́ woo pɛ́lı̵́ á̧ḿ.

Hȩn yɨmné Tayɨɨ woo vu̵ 'waapád, vu̵ 'yɛ́ zó̧ó̧ laa zá̧ga̧ Tayɨɨ a tú' waa woo vu̵ wu̵lı̵́ máa

Ba gaa ví 'ya̧'a̧ yɛ hȩn yɨmné 'waapád vu̵ dɨ ndɛlı̵́ɨ; hȩn dɨ vu̵ ndɔ́gɔné kɔ́ ı̵́ wakȩ́ȩ́ tóó ka dɨ waa ha̧a̧lȩ́ máa wɔgɔ.