Versets bíblics populars de NÁN RÓMA VɄ 5

Comparteix

A̧máa Tayɨɨ tú'ud ba ví aa gaa ví bin hí̧í̧ ba ví 'yɛ́nné, moo ká ba ví nán hȩn ɓı̵́d kɔ́lı̵́ɨ, ma Krístu ya nɔɔ moo baa ví.

Zó̧ó̧ 'yɛ́lı̵́ kɔ́ hȩn sɔn woo né, moo Tayɨɨ pú̵ ba ví zó̧ó̧ nán woo zó̧ó̧ baa vílí, kan yigid woo ka pú̵ ba ví yȩlȩ́ á̧ḿ.

Moo hȩn yȩ vu̵ yu̵ dágá pɛ́lı̵́, a̧máa ba dȩ' ví zó̧ó̧ moo kaa nuŋ ví hȩn ndɔ́gɔné á̧ḿ má nɔ, moo ba gaa ví hȩn ndɔ́gɔné wu̵ pú̵ zó̧ó̧ ma"ȩ́. Zó̧ó̧ ma"ȩ́ wu̵ kɔ́ ma, ba sȩn fó̧ó̧ ya hȩn zo"ı̵́lı̵́. Kaa sȩn fó̧ó̧ ya hȩn zo"ı̵́lı̵́ tée, ba nuŋ zó̧ó̧ 'yɛ́lı̵́ wu̵lı̵́ á̧ḿ.

Tayɨɨ ka tii ba ví nán to̧o̧g woo vu̵ ı̵́ yo̧go̧, moo zó̧ó̧ 'yɛ́lı̵́lı̵́ máa, ba nuŋ ví ká̧'a̧d woolı̵́, moo ı̵́ 'yɛ́lı̵́ baa ví Yesu Krístu woo nɔ. Yúú woolı̵́ ma, ba nuŋ ví kɛb yúú zó̧ó̧ 'yɛ́lı̵́lı̵́, ba séé ví la sı̵́ Tayɨɨ woolı̵́ ú̵. Ba dɨ ví sı̵́ zó̧ó̧ nán woolı̵́. Hȩn ka dȩ'ȩd ba ví zó̧ó̧ máa, wu̵ kaa 'yɛ́ ví zó̧ó̧ moo ba báń nuŋ ví na"ȩ́ Tayɨɨ woolı̵́ ú̵ má nɔ.

Ká tíŋ́ máa ba ví kan néélȩ́ pɛ́lı̵́, ma Krístu nɔɔ moo nán kaa duunɔ ví ní yȩ baa ví nu, kɔ́ ı̵́ Tayɨɨ ka gə bá' woo máa wɔgɔ.

Tayɨɨ to̧n kan ba ví yúú nɔm Krístu woolı̵́, tée báń sə́d ví zó̧ó̧ yȩ́ȩ́ Tayɨɨ woolı̵́ yúú ba'ad woo ka dɨ kɔ́lı̵́ yȩlȩ́.

Tɔ́g ŋgó̧ó̧lȩ́ nán dágá woo ka kɔ́ nán 'waapád ku̵u̵ kɔ́ hȩn ɓı̵́d yȩ; tɔ́g kilí nán dágá woo wú̵ń kɔ́ nán 'waapád vú̵ń to̧n kan Tayɨɨ á̧ḿ.

Hȩn gbo̧o̧ tóó kéé dɨlı̵́. Ba dȩ' ví zó̧ó̧ Tayɨɨ woolı̵́, moo ı̵́ 'yɛ́lı̵́ baa ví Yesu Krístu wu̵ mbɔ́gɔ́n ba ví kan Tayɨɨ.