Versets bíblics populars de NÁN RÓMA VɄ 12

Comparteix

Tée i 'yȩ́ŋ́ mbaalı̵́ nán góó yɛ voo sá, a̧máa i gbɔ Tayɨɨ a tii moo taalı̵́ víí vu̵ 'waa la pád, tée víń gaa hȩn hí̧í̧lí̧ woo, ka du̵u̵, ka to̧o̧du̵, ka du̵u̵ si̧' la gbug yȩ á̧ḿ.

Dan kirtȩ́n vu̵, mí hí̧í̧ bi o̧d ví, Tayɨɨ ka tú'ud ba ví zó̧ó̧ nán woo ı̵́ yo̧go̧ yȩ, ví á̧ḿ, i ɓɛ fó̧ó̧ víí ha' zá̧a̧dná kɔ́ ı̵́ hȩn ha"ı̵́ wɔgɔ. Fó̧ó̧ víí pád a Tayɨɨ woo nɔ, tée wú̵ń to̧o̧du̵. Ba'ad i kɔ́ddu̵ də́ń kəd máa, wu̵ yȩ nɔ.

I dȩ' zó̧ó̧ yúú zó̧ó̧ 'yɛ́lı̵́ víílí la ú̵. I ma' zó̧ó̧ ya hȩn ndɔ́gɔné vu̵lı̵́ la ú̵. I ɓá' Tayɨɨ bə́' bə́'.

Hȩn ɓı̵́d a mbam sá; a̧máa a̧mmɔ mbaga kan hȩn du̵u̵ kɔ́lı̵́.

I hí̧ń hí̧nní dag sá̧ŋ́ŋɨ ya víílí; i ná'án ya víílí ú.

Zó̧ó̧ nán a vȩ́' pigim sá. I máń hȩn ɓı̵́ddɨ; i sȩgȩ víí hȩn du̵u̵ wu̵ kɔ́lı̵́.

Hȩn ka maa vín kɔ́ pȩ́ń, vín to̧n kan nán vu̵ 'waapád tée, i kɔ́ la ú̵.

Dan gboo vu̵, nán ka kɔ́d ví hȩn ɓı̵́d tée, aga i duu sú̵ú̵wu̵ kan hȩn ɓı̵́d sá, a̧máa i gbɔ Tayɨɨ a wu̵ si̧'i̧du̵, moo ı̵́ 'yɛ́lı̵́ Tayɨɨ o̧ debterelı̵́: “Míńnɔ vȩ' hȩn ɓı̵́d nán voo sú̵ú̵ vu̵.”

I sȩn fó̧ó̧ la ú̵, i kɔ́ zu̵b sá. I pi zó̧ó̧ kɔ́d ı̵́ 'yɛ́lı̵́ baa ví ba'adɨ.

Mí dɨd ví o̧lȩ́ 'waapád kan néélȩ́ Tayɨɨ woo ka pú̵n kan zó̧ó̧ nán woo yɛ nɔ, kóó nɔ́nná a zuŋ haa té' sá. A na' yúú sá, a̧máa a taa də́ń néélȩ́ Tayɨɨ ka pú̵gu̵ yúú zó̧ó̧ 'yɛ́lı̵́ woolı̵́ yȩ nɔ.

I sú̵ú̵ hȩn ɓı̵́d kan hȩn ɓı̵́d sá. I taa moo, ví kɔ́d nán vu̵ hȩn du̵u̵ 'waapád.

I to̧n ya víílí ú. I na' yúú sá. I soo na"ȩ́ sá á̧ḿ, a̧máa i nə' víí yúúi. I 'yɛ́ fó̧ó̧ víí nán kɛb sá.

Duu o̧: “Go̧o̧m ka ya̧ nán maag móó tée, a̧m pú̵gu̵ hȩn lálı̵́ la ú̵; mam ka 'wɔddu̵ tée, a̧m pú̵gu̵ mam zɔlı̵́ la ú̵ á̧ḿ, moo a̧m kɔ́ ı̵́ yo̧go̧ tée, mbaa kɔ́ ı̵́ káḿ gbɔddu̵ sȩ́ḿ nɔ́lȩ́ sú̵'ú̵ zu wɔgɔ.”

Nán ku̵u̵ duun ví kan moo tée, i bag vu̵ víí hȩnne, a̧máa i ga'ad vu̵ nag sá. I sú̵g dȩ' zó̧ó̧ kan nán ı̵́ ku̵u̵ dɨ zó̧ó̧ dȩ"ȩ́ máa vu̵ á̧ḿ; i sú̵g ká̧ŋ́ kan nán ku̵u̵ dɨ ká̧ń máa vu̵ á̧ḿ.

Nán tóó ka hí̧í̧ hȩn víílí sa̧a̧mé tée, i su̵g ya̧g maawo̧. Gáá ku̵u̵ yaa víílí tée, i fȩȩ vu̵ du̵u̵ na'a.

Ba dɨ ví kan fó̧ó̧ vu̵ kə́dkə́d fó̧ó̧ baa vílí. Ya voo 'waapád vu̵ dɨ kan ba'ad kə́kə́d á̧ḿ. Ba ví á̧ḿ, kóó aa ɓu̵u̵ ví ú si̧', ba dɨ ví fó̧ó̧ dágá Yesu Krístu woolı̵́. Ba sú̵g mbaa ví fó̧ó̧ dágáɨ kɔ́ ı̵́ fó̧ó̧ tóó ku̵u̵ sú̵g mbaa fó̧ó̧ dágá woolı̵́ máa wɔgɔ.