Ma waa ba'ad Yesu woo ı̵́ wa̧nɓó' zu̵u̵ idú pee vu̵ su̵g waa duulí vu̵ 'waapád, vu̵ o̧d vu̵: “Dan kirtȩ́n vu̵, oo kéé moo Tayɨɨ woo tú"í gbɔ, oo dii də́ń moo hȩn lálı̵́ wu̵ yȩ"ȩ́ tée, du̵u̵ né. Moo woo nɔ, i yee nán tóó vu̵ víílí sa̧a̧mé gúndɛm, nán to̧o̧, yigid Tayɨɨ woo ka hi̧' voolı̵́, ku̵u̵ gaa moo du̵u̵lı̵́ na'a máa vu̵ yu̵, ba gbɔd vu̵ ví ba'ad woo nagá, tée vɔ́ń baa o̧d vóó Tayɨɨ moo, kan ba'ad moo Tayɨɨ moolȩ́ á̧ḿ.”