Versets bíblics populars de Lolmav 5

Comparteix

Thail hai ngaol-aoq, Miqyail ngadao bhai kha dai gaiq-a nail dai, niail hai bhi moel lavq-a nail ngaol. Ngadao oeqbal yaq pevq-u phao, Khali ngadao nail haqbhoil khanqsil-a nail ngaol.

Noeq thunq nail phaq jiav lal-a nail bhaq da nee, neema cov duq maq jiav yaoq-aol. Khul khi mail daiq ngal-aq neq, ngadao bhai bivq lavq-a nail Meeq nail Haol nail Aqhaqlal, ngadao nail neema lavqkhoel bhai Miqyail nail goil nail gaiq-a nail phaq teevq bhee hoel bhoel lavq-a nail ngaol.

Al ovqtavq, ngadao haq nail aoq nail phaq bhai ya daq-u phao, lavqkhiq mao ail tsail ail nial. Khul khi mail dai ngal-aq neq, haq nail aoq nail bhaq da nee, ngadao oltsaol lal-a nail ngaol. Ngadao oltsaol nail bhaq da nee, laonq daiq nail phaq bhai gaq lai-a nail tsaol-aq juq ngaol dai, Miqyail ngadao bhai saol-nvq lavq-a nail ngaol. Laonqdaiq nail phaq bhai gaq lai-a nail bhaq da nee, noeq thunq nail phaq jiav lal-a nail ngaol dai, ngadao heeq kivq nail ngaol.

Niil aq-il ngadao neema thaq tsaol nail bhaq da nee, tsaq nail daol nail tsaol-aq pevq lal-a nail ngel-i mail, ngadao nail Heeqphaq Yeiqsul Khali bhaq da nee, Miqyail bhai tsaq lai jil lai-a nail ngaol. Yeiqsul Khali bhaq da nee ngadao geeqlaoq eel jaol al nail lavqkhoel bhai jaol ivq lal-a nail ngaol. Ngadao Miqyail nail seiqleiq khaoqsail bhai ya dai, noeq thunq-ai thaq nail ngel-i mail, lavqkhiq tsail ail nial.

Ngadao gaq hal duq maq jiav-u phao, Miqyail-i mail tsel dov-ai thaq nail yanq bhai Khali neq, oeqbal yaq nail haqbhoil khanqsil-a nail ngaol.

Niil aq-il, Khali khanqsil-a nail bhaq da nee, ngadao Miqyail nail sivtavq bhai tsaq nail daol nail tsaol-aq pevq lal-a nail ngaol. A dai nee maq tsil, aivq bhaq da nee ngadao Miqyail neema phail nail phaq bhai mal dil ya jel ail-a nail ngaol.

Tsaol-aq teevq gaq maq nal daiq-a nail ngel-i mail, tsaol-aq mao dai gaq oeqbal yaq pevq lal-a nail ngaol. Al hai dul dai, tsaol-aq teevq gaq nal daiq-a nail ngel-i mail, tsaol-aq mao dai tsaq nail daol nail tsaol-aq pevq lal-a nail ngaol.

Al taivq-ail maq ngel mail, ngadao nail Heeqphaq Yeiqsul Khali bhaq da nee Miqyail bhai lavqkhiq tsail tav dai, tsiq eeq nail ngaol. Aivq bhaq da nee ngadao Miqyail bhai tsaq lai jil lai-a nail ngaol.