Versets bíblics populars de Lolmav 12

Comparteix

Miltsaq yaq juq aqdoevq doevq nail khe-ai thaq doevq, neema aqsivq phal khi tsaol-aq aqsivq pevq lal yaoq. Al hai nl haq neq, Miqyail neema tsaq nail phaq bhai heeq nia lal khi tsel pav nia lal nail ngaol. Meeq nail phaq, bhee nail phaq khi mail, Miqyail neekhaol sil nail phaq bhai iqsanl, heeq nia lal nail ngaol.

Aqivq jaqbheq juq-ol, Miqyail gaoq haq gaiq-a nail phaq bhaq da nee, ngal nul juq bhai niail hai hal nail ngaol. Meeq nail haol nail laol bhiq nail phaq khi mail, Miqyail neema tsaq nail aqdoevq doevq nail laol bhiq nail phaq bhi pevq lal nail haqbhoil, nul juq nail aqmaol Miqyail bhai av bhiq yaoq. Al hai av bhiq nail phaq neq, nul juq nl heeq phaq-ail tsaq nail uqhuq thaoq nail aol ngaol.

Noeq thunq nail lavqkhoel lavqkhiq tsail yaoq. Haq nail aoq nail phaq ya daq-u phao, ol yaoq. Gaq maq bhaq dai, khaq mao iqsanl geeqlaoq hal yaoq.

Haq eiv nail phaq-i mail nul juq bhai thaq bhi gaq lal. Aqmeeq phaq bhai juq juq ail, haqeiv nail phaq bhai bhi gaq lai yaoq.

Aqivq jaqbheq nail gaiqlaq bhai gaiq-a nail khe-ai, teevq gaq nee teevq gaq gaiq-a yaoq. Teevq gaq nee teevq gaq ev nail lavqkhoel, yu bhai thaq eeq nail lai jai yaoq.

Goil nail gaiq-a nail phaq neq, mal dil neema lavqkhoel nee gaiq-a nail phaq bhi pevq yaoq. Haq eiv nail phaq bhai bhe khi, aqmeeq phaq bhai neq, aqmeeq-ai nieivq thaiq-ai thaq yaoq.

Nul juq khal khi kivq nail khe-ai, tsaol-aq iqsanl bhai tsaq lai jil lai kivq dai, aqdoevq doevq yaoq.

Ngal mail ma-ail gaiq-a nail aqtsaoq juq-ol. Yu nul juq bhai nl laiq lavq-u phao, nul juq thaq nl kovq bhiq. Miqyail nl kovq bhiq nail haqbhoil bhi jiav yaoq. Khul khi mail dai ngal-aq neq, Jal liq lavqkhoel bhai gevq-ai thaq nail khe-ai: “Heeqphaq Miqyail ge nail: ‘Nl kovq bhiq nail phaq neq, ngaq nail ganl ngaol. Ngal yalkhaq dal bhiq nail ngaol’ dai, ge-ai thaq nail ngaol”.

Aqdoil maq doil dai, lai jai yaoq. Neema kev khi Miqyail nail ganl nl dee dee yaoq.

Miqyail ngaq bhai bivq lavq-a nail geeqlaoq eel jaol bhaq da nee, nul juq nail lavqkhoel bhai jaol nail yaoq gaq yaoq-ao nee bhai ngal niail hai ge nail ngaol: Yovqgavq nail ganl saol-nvq heeq phaq-ail tsaq nail nee ovqtavq al jaiq thaq saol-nvq jaiq. Miqyail teevq gaq nee teevq gaq bhai neema thaq tsaol nail phaq bhoil bhiq-ai thaq nail khe-ai, yovqgavq nail ganl saol-nvq heeq phaq-ail tsaq nail phaq bhai taivq-ail saol-nvq yaoq.

Yu aqdoil phaq nl lal khi ngaol-aoq, aqdoil phaq teevq gaq bhai iqsanl thaq nl kovq bhiq. Tsaol-aq iqsanl nail sivtavq bhai aqmeeq phaq taivq-ail nl naol dai, noeq cov-ai thaq khi nl yaoq.

Teevq gaq nee teevq gaq tsaq lai jil lai nail neema aol yaoq. Eeq movq heel movq nail neema thaq aol. Maivphaoq nal moel maq jiav nail tsaol-aq juq nee iqsanl aqtsaoq tsaoq yaoq. Ngal neq, neenoeq neekha aol naol dai, yovqgavq bhai yovqgavq thaq noeq.

Al heel ngel-i mail, “Naoq bhai neejiav jiav nail gaq aoq moevq haq neq, bhi jaq yaoq. Ulcuvq moevq haq neq, ulcuvq bhi daol yaoq. Al hai nl bhiq haq neq, aivq ya haq sil dee dee khi noeq pov lal dai, nl bhiq nail khe-ai, dul nail ngaol” dai iqsanl, gevq-ai thaq nail ngaol.

Nul juq bhai khoeq lal jiovq lal nail tsaol-aq juq bhai, geeqlaoq bivq yaoq. Iq khail thaq yavq bhiq. Geeq laoq taivq-ail bivq yaoq. Lavq khiq tsail nail tsaol-aq nee mail lavqkhiq tsao tsail bhiq yaoq. Nioil nail tsaol-aq nee mail nioil tsao bhiq yaoq.

Miqyail nail tsaol-aq juq loq nail khe-ai, aqyu juq bhai danq bhiq bhoil bhiq yaoq. Daq-i bhai aqmeeq meeq dai, hav bhiq yaoq.

Khul khi mail dai ngal-aq neq, aqmaol teevq maol bhai al sail mao dai covq nail ngaol. Al juq ganl nl nail maq dul lai-ail. Al hai dul dai, ngadao tsaol-aq mao khi ngaol-aoq, Khali nail lavqkhoel bhai aqmaol teevq maol teevq-eel ngaol. Ngadao teevq gaq nee teevq gaq, aqmaol al nail lavqkhoel bhai covq cavq-ai thaq nail ngaol.