Versets bíblics populars de Pillilpiv 2

Comparteix

Jil pheel jaq khi neema eeq nail heel nail lavqkhoel nee khul teevq phaq iqsanl thaq nl. Thaqtheq nail neema aol nail lavqkhoel, teevq gaq nee teevq gaq yovqgavq nail aqmaol nee maq tsil yu bhai thaq eeq yaoq. Yovqgavq bhai tavq nail phaq bhai taivq-ail thaq saol-nvq. Yu bhai tavq nail juq bhai iqsanl saol-nvq yaoq.

Yeiqsul Khali neema thaq nail khe-ai, nul juq iqsanl thaq yaoq.

Aivq neq, Miqyail pevq nail phaq teevq bhee teevq lovq aol nail ngaol. Thail hai ngaol-aoq, Miqyail khe-ai pevq nail phaq bhai ivq dao dai nieivq thaiq-ai thaq nail neq, tsaq nail ngaol dai, maq noeq-ail. Aivq nail seiqleiq khaoqsail loev ha ail ceevq khi, yaqkav pevq nail bhai daq khi mail tsaol-aq khe-ai doevq lee-a nail ngaol. Al ovqtavq, aivq mal dil tsaol-aq ngaol dai, yu ya moel-a nail ngaol. Aivq neq, aivq nail aqmaol bhai thaq theq khi, sil-u phao kev dai, Miqyail nail daoq nal daiq-a nail ngaol. Sil-a nail al neq, lavqyavq kovtavq-ai khanq sil-a nail ngaol.

Khul khi mail dai ngal-aq neq, Miqyail neema tsaq nail khe-ai, nul juq nl movq nail neema aol lal khi nl nia dai, aivq nul juq nail lavqkhoel bhai nl thail thaiq nail ngaol.

Al heel ngel-i mail, Miqyail aivq bhai iqsanl nail kovtavq bhai thaq eeq thaq heel khi, aqmil iqsanl nee mail maq tsil eeq dee moe dee dee nail aqmil aivq bhai mil bhiq-a nail ngaol. Nqtavq kovtavq bhai jaol nail maqkhaiq, miltsaq bhai jaol nail maqkhaiq, miltsaq nail daoqthaoq bhai jaol nail maqkhaiq, khal jaol nail yaoq phaq yaoq-ao nee, Yeiqsul nail aqmil kov-uvq bhai peevqceevq kovdoiq ya doiq nail ngaol. Al ovqtavq, Aqbhu Miqyail seiqleiq khaoqsail ya dai, moeqthaoq yaoq thaoq yaoq-ao nee, “Yeiqsul Khali neq, Heeqphaq ngaol” dai, salkhil ya khanq nail ngaol.

Nul juq khal nl khal hal nail yaoq phaq yaoq-ao nee nail lavqkhoel bhai, khul nail daoqgovq maq dov, maq jil pheel jaq dai, nl yaoq. Al hai nl haq neq, oeqbal thaq duq maq jiav nail tsaol-aq khi, neema haol nail tsaol-aq pevq nail ngaol. Neema neegovq aol khi neema pov pov lav lav ail pevq nail niil yeel nail tsaol-aq nail lavqkhoel bhai jaol-u phao, nul juq neq, laiq nail tsa nail phaq maq aol nail Miqyail nail yaq pevq nail ngaol. Al ovqtavq nul juq neq, niil yeel nail lavqkhoel khe jaol nail tsaol-aq bhai aqbhaq bhaq bhiq nail ngaol.

Ngal mao ail gaiq-a nail aqtsaoq juq-ol, nul juq khaq mao iqsanl ngaq nail daoq nal daiq nail ngaol. Ngal nul juq nee mail jaol-u nee maq tsil ngal nul juq nee mail maq jaol-u phao iqsanl, ngaq nail daoq aqmeeq-ai nal daiq yaoq. Nul juq yovqgavq nail hevq kovq nail phaq ya kivq dai, gee sil khi aqjuq juq nail lavqkhoel nee lai jai dee dee yaoq.