Versets bíblics populars de Gaqlaqtil 3

Comparteix

“Lavqyavq kovtavq bhai ya tavq heivq nail yaoq gaq yaoq-ao nee, ivqkhail yavq nail bhai daq thail thaiq nail tsaol-aq ngaol” dai, Jal liq lavqkhoel bhai gevq-ai thaq nail ngaol. Al hai dul dai, Khali neq, ngadao juq nail haqbhoil ivqkhail yavq nail bhai ya daq-a nail ngel-i mail, aoldaoq kovqdaoq neq, ngadao nail kovtavq bhai bhi kev lee nail ivqkhail yavq nail phaq nail lavqkhoel nee, aivq ngadao bhai ul kovq lavq-a nail ngaol.

Nul juq iqsanl mail, Yeiqsul Khali nail lavqkhoel bhai teevq munl taivq-ail pevq nail ngel-i mail, Yuldav nail tsaol-aq khi yu nail jeq-e jaq-a dai, maq tsel pav yaoq-aol. Yaqkav khi jel ail-a nail tsaol-aq dai, maq tsel pav yaoq-aol. Yaqyov-aq khi yaqmai-aq dai iqsanl, maq tsel pav yaoq-aol.

Nul juq Khali nail tsaol-aq ngel-i mail, Aqbhaqlaqhaq nail aqjievq lilheel iqsanl pevq khi, saljial jaq-ai thaq nail khe-ai, jaiq bhoil ovq nail tsaol-aq ngaol.

Al heel ngel-i mail, Aqbhaqlaqhaq bhai bivq-ai thaq nail geeqlaoq, Yeiqsul Khali lavqkhoel nee yu nail jeq-e jaq-a nail kovtavq bhai kev ail khi, “Ngal bivq naol” dai, Miqyail-i mail ge-ai thaq nail Aqhaqlal Miqyail bhai ngadao ya-a nail ngaol. Neema thaq tsaol nail bhaq da nee ya-a nail ngaol.

Aol daoq kovq daoq bhaq da nee tsaol-aq teevq gaq iqsanl, Miqyail nail sivtavq bhai tsaq nail daol nail tsaol-aq maq pevq lal nia-ail dai, bhaq laoq kheq dai, dov lal-a nail ngaol. Khul khi mail dai ngal-aq neq, tsaq nail daol nail tsaol-aq neq, neema thaq tsaol nail bhaq da nee, aqdoevq ya doevq nail ngaol.