Versets bíblics populars de Eilpheilsu 6

Comparteix

Khul khi mail dai ngal-aq neq, ngadao neq, tsaol-aq yaq bhai genl dev nail maq ngel-ail. Maq moel kivq nail, uv thaiq nail juq nee maqkhaiq, bhaqaoq eeq nail juq nee maqkhaiq, niil yeel nail lavqkhoel aqnav-i mail uv thaiq nail juq bhai maqkhaiq, nqtavq kovtavq nail gaiqlaq bhai jaol nail neivq juq bhai maqkhaiq, genl dev nail ngaol.

Al juq iqsanl, Miqyail tsao jao-ai lavq dai, geeqlaoq hal nail lavqkhoel nee doi yaoq. Aqhaqlal Miqyail nail lavqkhoel khaq mao iqsanl geeqlaoq hal yaoq. Al ovqtavq, gaq maq bhaq mail aqgeel geel dai jaol khi, geeqlaoq hal yaoq. Miqyail nail tsaol-aq juq nail haqbhoil khaq mao iqsanl, geeqlaoq hal yaoq.

Neivq heeqphaq jalmul mul lal nail phaq bhai nul juq gaq lai kivq dai, Miqyail-i mail bivq lavq-a nail khenkha-ao iqsanl mail doi yaoq.

Al heel ngel-i mail, haqeiv nail aqn aqyanq kev lee-u phao, nul juq jaol ivq kivq khi, iqsanl mail nl gil khi ivq dao dai thul phaol kivq dai, Miqyail-i mail bivq lavq-a nail khenkha-ao iqsanl mail doi-nq thaq yaoq.

Al ovqtavq, neivq Saq daq-i mail bev aivq lavq nail miqjaq tovq nail heeqnav maq tsoe bhai lav miv kivq dai, doeq daq duq aqlavq bhai khaq mao iqsanl nieivq thaiq-ai thaq nail khe-ai, neema thaq tsaol nail phaq bhai khaq mao iqsanl nieivq thaiq-ai thaq yaoq. Hevq kovq nail phaq pevq niail hail nail uq tsaoq tsaoq khi, Aqhaqlal Miqyail-i mail bivq lavq-a nail thaoma pevq nail Miqyail nail daoq bhai tuv thaiq-ai thaq yaoq.

Mal dil tsaq nail phaq jiovqpavq pavq nail khe-ai pavq khi, tsaq nail daol nail phaq doeq daq duq khe-ai doi yaoq. Neesal-ovq nail lavqkhiq tsail nail geeqlaoq daoq bhai, saiqnaov tsaoq nail khe-ai tsaoq nq khi jaol yaoq.

Haoqnao nao saq khe daoq neq, niail hai ngaol; Heeqphaq Yeiqsul nail lavqkhoel nee maqkhaiq, aivq nail gaq kav dee dee nail bhaqaoq lavqkhoel nee maqkhaiq, gaq kav lal yaoq.

“Naoq nail aqbhu aqma bhai ev yaoq” dai, ge nail aoldaoq kovqdaoq niil daoq bhai nal daiq nail tsaol-aq juq bhai, Miqyail nail geeqlaoq bivq nail haqbhoil saljial jaq-ai thaq nail Aol daoq Kovqdaoq iqmoeq khe daoq ngaol. “Al hai ev haq neq, naol yaoq phaq yaoq-ao nee nail lavqkhoel bhai bhao lee ya lee khi, miltsaq bhai aqdoevq doevq-u phao, yeel bhao yeel ya nail ngaol” dai, ge-ai thaq nail ngaol.

Yaq juq-ol, Miqyail neema tsaq nail khe-ai, yovqgavq nail aqbhu aqma nail daoq nal daiq yaoq. Nul juq al hai nl nail tsaq nail ngaol.