Versets bíblics populars de 2 Theilsaqlolni 2

Comparteix

Tsaol-aq teevq gaq gail nul juq bhai khul phaq nail ganl nee maqkhaiq, jalmul maq ya mul ya dai, yaol phaol yaoq. Khul khi mail dai ngal-aq neq, aqn al n maq kev lee-u nee mail, miltsaq bhai Miqyail nail daoq maq nal daiq nail nee ovqtavq aivq bhai genl dev nail phaq pevq lal nail ngaol. Aq-u phao, haqeiv dee dee nail gaq dov lal nail ngaol. Thail hai ngaol-aoq, haoqnao nao saq n-gaol, aivq neq, ya luq ya seil ail nail ngaol.

Heeqphaq Yeiqsul mao ail gaiq-a nail aqivq jaqbheq juq-ol, nul juq nail haqbhoil khaq mao iqsanl Miqyail bhai tsiq eeq nail tsaq nail ngaol. Khul khi mail dai ngal-aq neq, Aqhaqlal Miqyail nul juq bhai bhi haol lal nail nee ovqtavq, nul juq mal dil tsaq nail phaq bhai neema thaq tsaol-a nail bhaq da nee, hevq kovq nail phaq ya dai, iqmoeq-u phao nee Miqyail nul juq bhai tsel dov-ai thaq nail ngaol.

Tsaol-aq al gaq Miqyail bhai maqkhaiq, Miqyail dai, yu khal khul nail juq bhai maqkhaiq, uqhuq thaoq nail yaoq phaq yaoq-ao nee bhai maqkhaiq, genl dev khi, al juq nee maq tsil aivq nail aqmaol bhai aivq thaq eeq nail ngaol. Aivq Miqyail nail uqhuq thaoq nail ilkhaol il ma nail lavqkhoel bhai jaol deel khi, “Ngal neq Miqyail ngaol” dai, mail ma-ail ge nail ngaol.

Ngadao nail Heeqphaq Yeiqsul Khali khi mail ngadao nail Aqbhu Miqyail ngadao bhai gaiq-a khi aivq nail geeqlaoq eel jaol bhaq da nee nqmaq maqluv halyeel nee sal ya nail phaq maqkhaiq, ivq dao dai noeq thunq nail phaq maqkhaiq, ngadao bhai bivq lavq-a nail ngaol. Heeqphaq Yeiqsul Khali khi ngadao nail Aqbhu Miqyail neq, nul juq khaq mao iqsanl, aqmeeq phaq nl nia nail nee ovqtavq, daoq aqmeeq phaq ge nia dai, gaq bivq khi bhi ivq lal dei-eiq.

Al heel ngel-i mail, haqeiv nail phaq bhai lavqkhiq tsail khi, mal dil tsaq nail phaq bhai neema maq thaq tsaol nail tsaol-aq iqsanl bhai yalkhaq dal dai, maq ngel nail phaq bhai neema bhi thaq tsaol dai, noeq bheeq noeq leel nail phaq Miqyail aqyu juq bhai bhi kev bhi thel lee-a nail ngaol.

Haq eiv nail tsaol-aq al gaq, neivq Saq daq bhaq da nee dov lal-a nail ngaol. Aivq dov lal-u phao, yu bhai goiqbhaoq bhaoq ya nia dai, neivq Saq daq nail bhaqaoq yuq nail lavqkhoel nee bhi heeq bhiq moel nail juq khi noeq-u maq dov nail phaq nl nail ngaol. Luq ail seil ail thail thaiq nail tsaol-aq juq bhai goiqbhaoq bhaoq khi jalmul mul ya nia dai, aivq haqeiv nail yaoq phaq yaoq-ao nee bhai juq khi nl nail ngaol. Luq ail seil ail thail thaiq nail tsaol-aq, hevq kovq nail phaq bhai ya dai, mal dil tsaq nail phaq bhai gaiq-a nail neema maq aol nail ngel-i mail, luq ail seil ail nail ngaol.

Miqyail nail daoq bhai maq nal daiq nail phaq neq, niil aq-il iqsanl aqnav nail lavqkhoel bhai ganl nl thail thaiq nail ngaol. Thail hai ngaol-aoq, daoq maq nal daiq nail al phaq bhai maq bhi dov lal dai, lav tsoiq nail gaq jaol nail ngaol. Lav tsoiq nail gaq dov-ail haq neq, ganl al juq pevq lal nail ngaol.