Versets bíblics populars de 1 Gaolliqthu 2

Comparteix

Jal liq lavqkhoel bhai gevq-ai thaq nail khe-ai, “Miqyail bhai gaiq-a nail tsaol-aq nail haqbhoil, aivq-i mail lainq-ai thaq nail juq bhai maivneev maq moel daiq, naq khaol maq gaiq daiq, tsaol-aq nail neema lavqkhoel-ai maq noeq moel daiq-al” dai, gevq-ai thaq nail ngaol.

Aqhaqlal Miqyail maq ya-a nail tsaol-aq khul gaq maqkhaiq, Miqyail nail Aqhaqlal bhai tavq nail juq bhai maq hav bhoel-ail. Khul khi mail dai ngal-aq neq, al juq neq, aivq nail haqbhoil neenoeq neekha maq aol nail juq pevq nail ngaol. Aqhaqlal phao taivq-ail al juq bhai tsel pav khi gov heeq nia nail ngel-i mail, aivq al juq bhai maq gov heeq nia-ail.

Miqyail neq, aivq nail Aqhaqlal bhai juq khi al juq ngadao bhai phao daiq lavq nail ngaol. Khul khi mail dai ngal-aq neq, Aqhaqlal Miqyail neq, yaoq phaq yaoq-ao nee bhai hal pov moel khi, Miqyail nail daoq ceevq mao ail navq nail juq bhai iqsanl hal pov moel nail ngaol.

Ngadao neq, miltsaq yaq nail neema ya-a nail maq ngel. Miqyail-i mail ngadao bhai bivq lavq-a nail juq iqsanl bhai heeq nia dai, Miqyail nee mail lee-a nail Aqhaqlal Miqyail bhai ya-a nail ngaol.

Ngaq-i mail ge nail thail nail daoq juq khi daoq cavq cavq nail ganl neq, tsaol-aq yaq nail neenoeq neekha bhai juq khi jalmul mul lee-a nail maq ngel. Aqhaqlal Miqyail nail bhaqaoq bhi dov lal dai, nl lee-a nail teevq-eel ngaol. Al heel ngel-i mail, nul juq nail neema thaq tsaol nail phaq neq, tsaol-aq yaq nail neenoeq neekha nail kovtavq bhai ivq nail maq ngel-ail. Miqyail nail bhaqaoq kov-uvq bhai ivq nail ngaol.