Versets bíblics populars de لوکا 5

Comparteix

وهدے هبری هلاس کرت، گۆن شَمونا گوَشتی: ”بۆجیگا گوَرمئے جُهلانکیان ببر و شما وتی دامان په ماهیگئے گِرگا آپا دئور بدئیێت.“

شَمونا گوَشت: ”واجه! دۆشی ما سجّهێن شپ دلسیاهی کَشّتگ و مارا هچّ ماهیگ دست نکپتگ، بله نون که تئو گوَشئے، من دامان آپا دئورَ دئیان.“ آیان دام آپا دئور داتنت و همینچُک ماهیگِش گپت که دام دِرَگی بوتنت.

په دْوا کنگا ایسّا گێشتر گیابانانَ شُت.

من پهرێزکارانی گْوانک جنَگا نئیاتکگان، گُنهکارانی گْوانک جنَگا آتکگان، که آ تئوبه بکننت.“

وهدے شَمون‌پِتْرُسا اے کار دیست، ایسّائے پادان کپت و گوَشتی: ”او هُداوند! منا یله دئے و برئو، چێا که من گُنهکارے آن.“

ایسّایا گوَشت: ”دْراه و سلامتێن مردمان تبیب پکار نه‌اِنت، نادْراهان پکار اِنت.

پدا آیان وتی بۆجیگ هُشکیا آورتنت و وتی سجّهێن کار و بار یله داتنت و ایسّائے همراه بوتنت.

دگه رۆچے ایسّا یکّ شهرێا اَت. اۆدا مردے سرا تان پادا گَرّئے نادْراهیا گپتگ‌اَت. وهدے ایسّایی دیست، دێم په چێر کپت و دَزبندی‌ای کرت: ”او واجه! اگن تئو بلۆٹئے، منا دْراه و پَلگار کرتَ کنئے.“ ایسّایا وتی دست شهارت، دستی پِر مُشت و گوَشتی: ”منَ لۆٹان. دْراه و پَلگار بئے!“ هما دمانا مرد چه گَرّا دْراه بوت.

بله ایسّائے نام و تئوار اَنگت هم هر جاه شِنگ و تالانَ بوت و بازێن مردمے په آییئے هبرانی گۆش دارگ و وتی ناجۆڑیانی دْراه کناێنگا آتک و آییئے کِرّا مُچَّ بوت.